رووداو - تەندروستی
بەهۆی بارودۆخی جەنگ و بۆ پاراستنی منداڵان لە تەنگژەی دەروونیی دوای رووداوەکان PTSD، دەروونناسان منداڵانیان لە ژێرزەمنەکاندا کۆکردووەتەوە و چارەسەری دەروونییان پێدەدەن.
مارینا دودنیک، دەروونناسێکی 50 ساڵە لە رێکخراوێکی ناحکومیی ئۆکراینی دەڵێت: چارەسەر بۆ نزیکەی 50 منداڵی شەش بۆ 11 ساڵان دەکەن، چونکە جەنگ کاریگەریی لەسەر باری سۆزداری و دەروونیی منداڵان هەبووە.
مارینا دودنیک ئاماژە بەوە دەکات، ''ترس و دڵەڕاوکێ لەنێو منداڵاندا زۆرە و بەشێکی نەوجەوانانیش بەشێوەیەک دەروونیان تێکچووە کە پەنادەبەنە بەر زیانگەیاندن بە خۆیان''.
بەپێی راپرسییەکی رێکخراوی تەندروستیی جیهانی، لە کۆتایی ساڵی 2023دا لەکۆی 24 هەزار نەوجەوانی ئۆکراینی دەرکەوتووە، زیاد لە 90٪ـیان کە زیادبوونی گوشاری دەروونی و دڵەڕاوکێ لەگەڵ کەمبوونەوەی دڵخۆشی بەدیکراون.
.png&w=3840&q=75)
