هەڵەیەک روویدا! دووبارە هەوڵبدە
رووداو - تەندروستی
توێژینەوەیەک لە بەریتانیا دەریخات، ئەوانەی بەردەوام خوێندەبەخشن ئەگەری تووشبوونیان بە شێرپەنجە کەمە.
توێژینەوەکە لەلایەن پەیمانگەی فرانسس کریک کرا و دەرکەوت، ئەوانەی ساڵانە پێنج جار خوێنیان بەخشیوە ئەگەری تووشبوونیان بە شێرپەنجەی خوێن 50٪ کەمتر بووە بەراورد بەوانەی سێ جار یاخود کەمتر خوێنیان بەخشیوە.
د. هێکتۆر هوێرگا، نووسەری توێژینەوەکە دەڵێت: خوێنبەخشین هاندەری دروستبوونی خانە بنەڕەتییەکانی مۆخی ئێسکن و خانەی نوێ زیاتر بەرهەمدەهێنن.
بەپێی رێنوێنییەکانی ناوەندی NHS لە بەریتانیا، ئەوانەی تەندروستن و تەمەنیان لەنێوان 17 بۆ 65 ساڵە بۆیان هەیە خوێنببەخشن، ئەگەر نا ئەوانەی تووشبووی شێرپەنجە، نەخۆشییە درێژخایەنەکان و نەخۆشییە ڤایرۆسییەکانن ناتوانن خوێن ببەخشن.
بە گوێرەی ناوەندی کلیڤلاندی پزیشکی لە ئەمریکا، خوێنبەخشین ئەم سوودە تەندروستانەی هەیە؛
- هاوسەنگیی ئاسن لە خوێندا دەپارێزێت
- رێگە لە زیادبوونی ئاسن دەگرێت
- ئەگەری تووشبوون بە شێرپەنجە کەمدەکاتەوە
- تەندروستیی جگەر و دڵ دەپارێزێت
- یارمەتیی کەمبوونەوەی کێش دەدات
- خانەی نوێی خوێن دروستدەبن
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ