هەڵەیەک روویدا! دووبارە هەوڵبدە
د. دیلان رەمزی - منداڵێک لەنێو دووکانێکی شیرنەمەنیدایە. وێنە: رووداو
رووداو - تەندروستی
پسپۆڕێکی نەخۆشی و گەشەی منداڵان ئاشکرای دەکات، ئێستا نەخۆشیی شەکرەی جۆری دوو لەنێو منداڵاندا زیادبووە، شێوازی ژیانی ناتەندروست بە هۆکاری سەرەکی دادەنێت.
ئەمڕۆ پێنجشەممە 14-11-2024 د. دیلان رەمزی، پسپۆڕی نەخۆشی و گەشەی منداڵان بە رووداوی راگەیاند، قەڵەوی، بێهێزی و رەشبوونی مل و بنباڵ دەکرێت نیشانەی شەکرە بن لە منداڵاندا.
بە گوتەی د. دیلان رەمزی، حەزی منداڵ بۆ شیرینییەکان و خۆراکە خێراکان وادەکات زیاتر قەڵەو ببن، ئەمەش ئەگەری تووشبوونیان بە نەخۆشیی شەکرە زیاددەکات.
د. دیلان باسی یەکێک لە کەیسەکانی نۆرینگەکەی دەکات و دەڵێت: ''پێش سێ هەفتە دایکێک منداڵەکەی هێنایە نۆرینگە کە قەڵەو بوو و هاتبوو بۆ کێشەی هەناسەتەنگی، بەڵام ملی رەش بووبووەوە کە ئەمەش نیشانەیەکی شەکرەیە و دوای پشکنین، پشتڕاستبووەوە کە تووشبووە''.
پێشنیازدەکات بۆ دایک و باوکان، میوە و میوەی وشککراو یاخود سەرچاوەی شەکرە سرووشتییەکان لە بری شیرینییەکان بدەن بە منداڵ و بایەخیش بە شێوازی ژیانی تەندروست بە منداڵ بدەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ