پسپۆڕێک: رۆشنبیریی تەندروستیی تاک گوشاری سەر نەخۆشخانەکان کەمدەکاتەوە

د. سامان تاهیر، پسپۆڕی نەشتەرگەریی گشتی لەنێو پێشانگەی نێودەوڵەتیی کتێب لە هەولێر قسەی بۆ رووداو کردووە و دەڵێت، رۆشنبیریی تەندروستیی تاک وادەکات گوشاری سەر نەخۆشخانەکان کەمببێتەوە و کواڵیتیی چارەسەرەکانیش باشتر ببن.

د. سامان تاهیر گوتی، هەر کتێبێکی پزیشکی دەبێت سەرچاوەیەکی باوەڕپێکراو نووسیبێتی و پێویستە پێشانگەکان بایەخی زیاتر بە کتێبی تەندروستی بدەن.

لەبارەی سەرچاوە جیاوازەکانی پزیشکییەوە ئەو گوتی، وا باشترە لە سۆشیاڵ میدیاکانیش و بە نووسراویش تەنیا لەلایەن کەسانی پسپۆڕەوە زانیارییەکان وەربگیرێن و سەرچاوەکان باوەڕپێکراو بن.

پزیشکان هۆشداریدەدەن لە کەمیی کتێبە پزیشکییەکان بە زمانی کوردی بۆ خەڵک و د. سەلیم سەعید زەنگەنە، پسپۆڕی نەشتەرگەریی گشتی لەنێو پێشانگەکە تایبەت بە رووداو قسەی کردووە و دەڵێت: کتێبە پزیشکییەکان بە زمانی کوردی کەمن و پێویستە خەڵک بایەخ بە کتێبە پزیشکی و تەندروستییەکان بدەن. {زیاتر بخوێنەوە}