رووداو - تەندروستی
توێژینەوەیەک لە کەنەدا دەریدەخات، خۆراکەکانی کیتۆ هەوکرنی ریخۆڵە زیاددەکەن و دەبنەهۆی مەترسی بۆ تووشبوون بە شێرپەنجەی ریخۆڵە.
توێژینەوەکە لە زانکۆی تۆرێنتۆ لە کەنەدا ئەنجامدراوە و دەرکەوتووە، ئەوانەی کاربۆهیدراتی کەم دەخۆن، بەکتریای E. Coli لە ریخۆڵەیان زیاددەبێت و دەبێتە هۆی دروستبوونی پۆلیپ لە ناو کۆڵۆنی کەسەکە، ئەمەش دەبێتە هۆیەک بۆ دروستبوونی شێرپەنجەی ریخۆڵە.
لە توێژینەوەکەدا هاتووە، لە ئەمریکا رێژەی تووشبوون بە شێرپەنجەی ریخۆڵە لە منداڵان، هەرزەکاران و گەورەساڵانی گەنج رووی لە زیادبووون کردووە و شێرپەنجەکە لە خانمان زیاترە.
د. بوپێش کومار، پسپۆڕی بۆماوەزانی و سەرپەرشتاری توێژینەوەکە لە زانکۆی تۆرێنتۆ لە کەنەدا، دەڵێت، ''بەکتریای E. Coli دیواری ریخۆڵەی کەسەکان دەروشێنێت و جۆرێکی ژەهر دەکاتە جەستەی کەسەکە''.
بەگوێرەی ناوەندی کۆنتڕۆڵ و پێشگیریکردن لە نەخۆشییەکان لە ئەمریکا، ئەگەری ژیان لەدوای تووشبوون بە شێرپەنجەی کۆڵۆن بۆ 5 ساڵ دوای تووشبوون بە شێرپەنجەکە نزیکەی 64.4٪ـە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ