رووداو - تەندروستی
لە ویلایەتی پێنسلڤانیا دەرمانێکی هێورکەرەوەی ئاژەڵان بە تاوان دادەنرێت و سەرۆکایەتیی ویلایەتەکە ئاماژە بەوەدەکات کە وەکو مادەی هۆشبەر لەلایەن خەڵکەوە بەکاردەهێنرێت.
جۆش شاپیرۆ، سەرۆکی ویلایەتی پێنسلڤانیا پەسندی ئەو بڕیارەی کردووە کە لە دژی بەکارهێنانی مادەی هێورکەرەوەی زایلازاین xylazine دەرکراوە.
پسپۆڕانی ڤێتێرنەری دەڵێن، زایلازاین دەرمانێکی هێورکەرەوەیە بە رەچەتەی پزیشکی ڤێتێرنەری بەکاردێت بۆ مامەڵەکردن و چارەسەرکردنی ئاژەڵەکانی باخچەی ئاژەڵان، گیانلەبەرە کێوییەکان و ئاژەڵە ماڵییەکانی ماڵەوە.
بەپێی ناوەندی کۆنتڕۆڵ و پێشگیریکردن لە نەخۆشییەکان CDC لە ئەمریکا، زایلازاین دەتوانێت ببێتەهۆی دابەزینی هەناسەدان و لێدانی دڵ بۆ ئاستێکی مەترسیدار کاتێک لەلایەن مرۆڤەوە بەکاردێت.
.png&w=3840&q=75)
