رووداو - تەندروستی
توێژینەوەیەکی سەنتەری بەرهەمەکانی تووتن لە ناوەندی خۆراک و دەرمان لە ئەمریکا FDA دەریدەخات، بەراورد بە بە ساڵی رابردوو کێشانی ڤەیپ لەنێو گەنجان و نێوجەوانان کەمیکردووە.
توێژینەوەکە ئاماژە بەوەدەکات، پێشکەوتنی گرنگ بەدیدەکرێت بۆ کەمکردنەوەی بەکارهێنانی بەرهەمەکانی تووتن لە ئەمریکا بەجۆرێک رێژەی بەکارهێنانی ڤەیپ و جگەرەی ئەلیکترۆنی لە 7.7٪ـەوە دابەزیوە بۆ 5.9٪ بەراورد بە ساڵی 2023.
د. بڕاین کینگ، بەڕێوەبەری سەنتەری بەرهەمەکانی تووتن لە ناوەندی خۆراک و دەرمان لە ئەمریکا دەڵێت، "بەردەوام دابەزینی بەکارهێنانی جگەرەی ئەلیکترۆنی و ڤەیپ لەنێو گەنجانی ئەمریکا سەرکەوتنێکی تەندروستی گشتییە، بە تووندترکردنی قەدەخەکردنی فرۆشتنی بەرهەمەکانی تووتن هەنگاوەکان بەردەوام دەبن لە کەمکردنەوەی رێژەی بەکارهێنان''.
بەگوێرەی رێکخراوی تەندروستیی جیهانی ئەم چەند رێگەیە یارمەتیدەر دەبن بۆ وازهێنان لە تووتن؛
- چارەسەری دەرمانی لەگەڵ پاڵپشتی رەفتاری رێژەی سەرکەوتنی وازهێنان لە تووتن زیاددەکات.
- بەکارهێنانی چارەسەری جێگرەوەی نیکۆتین، بوپرۆپیۆن و سیتیسین وەک چارەسەری کاریگەر بۆ وازهێنان لە تووتن.
- راوێژکاریی تاکەکەسی یاخود کۆمەڵ لە لایەن چاودێرانی تەندروستی بۆ باشترکردنی پاڵپشتیی رەفتاری.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ