هەڵەیەک روویدا! دووبارە هەوڵبدە
رووداو - تەندروستی
لە رووداوێکی دەگمەندا لە میسر مۆبایلێک دوای شەش ساڵ مانەوەی لەنێو گەدەی کەسێکدا، دەرهێنرا و تیمی پزیشکانیش راستییەکی لەبارەوە ئاشکرادەکەن.
تیمێکی نەخۆشخانەی پسپۆڕییەکانی هەناوی لە زانکۆی مەنسوورەی میسر مۆبایلێک لە گەدەی کەسێکدا دەردەهێنن و ستافێکی نەشتەرگەرییەکە دەڵێت، شەش ساڵە ئەو مۆبایلە لەنێو گەدەی کەسەکەدا بووە و بەم دواییانە تووشی خوێنبەربوون و ئازاری گەدە بووە، کە پشکنینیشی بۆ کراوە دەرکەوتووە، تەنێکی کانزایی لە گەدەیدایە.
د. ئەسما جەمیل، پسپۆڕی هەناوبینی کە یەکێکە لە تیمی نەشتەرگەرییەکە دەڵێت: نەشتەرگەرییەکە 40 خولەکی خایاندووە؛ تەنانەت پێشیان سەیرە کە چۆن باتریی مۆبایلەکە لەنێو گەدەیدا نەتەقیوەتەوە؟
د. ئەسما گوتی، نەخۆشەکە شەش ساڵە بەدەست هەوکردنی تووندی گەدەوە دەناڵینێت و بەهۆیەوە 30 کیلۆگرام کێشی کەمیکردووە.
بۆچی کەسێک کەلوپەلی ناخۆراکی قوتدەدات؟
بەپێی ناوەندی پزیشکیی کلیڤلاندی ئەمریکی، ئەو دۆخە پێی دەڵێن Pica کە هۆکارەکەی نەخۆشیی دەروونییە و زۆرجاریش بە نهێنیی کێشەکەیان دەهێڵنەوە، چونکە هەست بە شەرم دەکەن، وەک ئەوەی لە نەخۆشەکەی میسردا روویدا کە 6 ساڵە ئەو مۆبایلە لە گەدەیدا ماوەتەوە.
ناوەندەکە رایدەگەیێنێت، باوترین دۆخی لەو شێوەیە ئەوەیە کە تووشبووانی نەخۆشیی دەروونی قژ دەخوات و کاتێک دەبێتەهۆی گیران و برینداربوونی ریخۆڵەی، ئینجا دەردەکەوێت کە قژی خواردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ