رووداو - تەندروستی
ئەمڕۆ رۆژی جیهانیی گۆرەوییە و بەپێی ناوەندی کلیڤلاندی پزیشکی، پێیەکان 250 هەزار رژێنی ئارەقیان تێدایە کە هەردوو قاچەکە نزیکەی نیو لیتر ئارەق دەردەدەن، بۆیە بە باشی دەزانێت گۆرەویی گونجاو هەڵبژێرێدرێت بۆ بە تەندروست مانەوەی پێیەکان.
ناوەندی کلیڤلاندی پزیشکی رایدەگەیێنێت، ئەگەر گۆرەوییەکی دروست و تەندروست هەڵنەبژێردرێت، ئەوا پێیەکان دەبنە سەرچاوەی بەکتریا و کەڕووەکان، هۆشداریش دەدات لە گۆرەوییە لۆکەییەکان.
پسپۆڕێکی نەخۆشییەکانی قاچ و پێ دەڵێت: خووری یەکێکە لە پێکهاتە نایابەکان بۆ گۆرەوی کە دەتوانێت 30٪ـی شێداری لە قاچەکان هەڵبمژێت و پێیەکان بۆ ماوەیەکی زۆر بە وشکی بهێڵێتەوە.
د. دایلان کاومایا، پسپۆڕی نەخۆشییەکانی قاچ و پێ لە ئاریزۆنا روونی دەکاتەوە، ''نابێت گۆرەویی 100٪ لۆکەیی بەکاربێت، چونکە شێ هەڵدەمژێت و لە پێستی دەداتەوە، بەمەش رەنگە برین و هەوکردنی کەڕوویی دروستببێت''.
دامەزراوەی شەکرە لە ئەمریکا هۆشداری دەداتە تووشبووانی شەکرە بەوەی کە گۆرەویی لۆکەیی بەکارنەهێنن، چونکە شێ هەڵدەمژێت و ژینگەیەکی لەبار دروستدەکات بۆ هەوکردنی کەڕوویی کە لەو نەخۆشانە ئەگەری هەوکردنی قاچەکان زۆرە.
.png&w=3840&q=75)
.png&w=3840&q=75)
