رووداو - تەندروستی
توێژینەوەیەکی زانکۆی کۆلێژی لەندەن لە بەریتانیا UCL دەریدەخات، پەروەردە و فێربوون کاردەکەنە سەر ئەگەری تووشبوون بە نەخۆشی لەبیرچوونەوە.
توێژینەوەکە ئاماژە بەوەدەکات، ئەوانەی پێشینەی زانیاری و فێربوونیان بەهێزە و پەروەردەیەکی باشتریان هەیە، مەترسیی تووشبوونیان بە نەخۆشیی لەبیرچوونەوە بەڕێژەی 43٪ کەمترە.
د. دۆرینا کادەر سەرپەرشتیاری توێژینەوەکە دەڵێت، ''خوێندن و خوێندنەوە یارمەتیدەر دەبن لە بنیاتنان و باشتر کارکردنی مێشک، بەمەش ئەگەری تێکچوونی هزر و بیرەوەرەی کەمتر دەبێت''.
بە پێی توێژینەوەیەکی زانکۆی تەکساس لە ئەمریکا، یارییە هزرییەکان وەکو پەزڵ، وشەکاری و مەتەڵ ئەگەری تووشبوون بە نیشانەکانی لەبیرچوونەوە کەمدەکەنەوە.
بە گوێرەی رێکخراوی تەندروستیی جیهانی، ئێستا 55 ملیۆن تووشبووی جۆرەکانی لەبیرچوونەوە هەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ