رووداو - تەندروستی
توێژینەوەیەکی زانکۆی ماساچوسێتس دەریدەخات، خۆراکی دەوڵەمەند بە چەوریی ئۆمێگا 3 و تەواوکەری خۆراکیی ئۆمێگا 3 یارمەتی گەورەساڵان دەدەن و وادەکەن ئەگەری تووشبوونیان بە لەبیرچوونەوە کەمببێتەوە.
لەم توێژینەوەیەدا زیاتر لە 100 کەس بەشداربوون کە تێکرای تەمانیان 75 ساڵ بووە و دەرکەوتووە خۆراکی دەوڵەمەند بە چەوریی ئۆمێگا 3 خانەکانی مێشک دەپارێزن و مێشک بە چالاکی دەهێڵنەوە.
دکتۆر جێن بۆومان، پسپۆڕی نەخۆشییەکانی مێشک و دەمار دەڵێت، ''ئۆمێگا 3 رێگری لە تێکچوونی خانەکانی مێشک دەکات و تووشبوون بە لەبیرچوونە کەمدەکاتەوە''.
بە گوێرەی ناوەندی خزمەتگوزاریی تەندروستیی نیشتمانی لە بەریتانیا، لەبیرچوونەوە تێکچوونێکی دەمارییە و نیشانەکانی بە خەمۆکی و لەبیرچوونەوە دەستپێدەکات تاوەکو دەگاتە پووکانەوە مێشک.
بە گوێرەی کۆمەڵەی خۆراکی ئەمریکی، ئەم خۆراکانەی خوارەوە دەوڵەمەندن بە چەوریی ئۆمێگا 3؛
- گوێز
- ماسی
- لۆبیا
- رۆنی قەوزە
- کاڤیار
- تۆوی چیا
- پاقلەی سۆیا
- سپێناخ
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ