هەڵەیەک روویدا! دووبارە هەوڵبدە
د. شناو هەورامی، پسپۆڕی نەخۆشییەکانی خانمان و منداڵبوون
رووداو - تەندروستی
پسپۆڕێکی نەخۆشییەکانی خانمان و منداڵبوون رایدەگەیێنێت، رۆژووگرتنی خانمانی دووگیان بەتایبەت لە سەرەتای دووگیانییەکەیان، جەستەیان وشکدەکاتەوە و مەترسیی لەسەر کۆرپەلە دروستدەکات بەجۆرێک تووشی لەدایکبوونی پێشوەختەیان دەکات و کێشیان کەمدەکاتەوە.
ئەمڕۆ شەممە 1-3-2024 هاوتا لەگەڵ یەکەم رۆژی مانگی رەمەزان د. شناو هەورامی، پسپۆڕی نەخۆشییەکانی خانمان و منداڵبوون لە بوولتەنی تەندروستیدا رایگەیاند، باشترە خانمانی دووگیان بەڕۆژوو نەبن بەتایبەت ئەوانەی لە قۆناخی سەرەتاییەکانی دووگیانییەکەیانن.
د. شناو هەورامی باسی رۆژووگرتنی خانمانی دووگیان دەکات و دەڵێت: ئەگەر نەخۆشیی درێژخایەنیان هەبوو، ئەوا لە هیچ قۆناخێکی دووگیانییەکەیان نابێت بەڕۆژووبن.
بەگوتەی د. شناو، خانمان دوای مانگی چوارەمی دووگیانی دەتوانن بەڕۆژوو ببن، بەڵام لەژێر راوێژی پزیشک.
هەروەها ئاماژە بەوەشدەکات کە تۆخبوونی رەنگی میز و سکئێشە باوترین نیشانەن کە خانمانی دووگیان لەکاتی بەڕۆژووبوون دەشێت تووشیان ببێت و مەترسیی لەسەریان دروستدەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ