هونەرمەند ئەنوەر شێخانی کۆچی دواییکرد

رووداو - هەولێر

ئەنوەر شێخانی، یەکێک لە هونەرمەندە ناسراوەکانی بواری شانۆ و دراما و فیلمی کوردی، ئەمڕۆ لە هەولێر کۆچی دواییکرد.

هەنگاو ئەنوەر شێخانی، کوڕی هونەرمەند ئەنوەر شێخانی بە تۆڕی میدیایی رووداوی راگەیاند "چەند خوولەکێک بەر لە ئێستا، باوکم بەهۆی نەخۆشیی شێرپەنجە کە چەند ساڵێکە بەهۆیەوە دەناڵێنێت، کۆچی دواییکرد".

هونەرمەند ئەنوەر شێخانی لە ساڵی 1951 لەدایکبووە و لە تەمەنی 19 ساڵیدا دەستی بە کاری شانۆیی کردووە، بەشداری زیاتر لە 60 شانۆ و 10 فیلمی سینەمایی کردووە و, خاوەنی چەندین خەڵاتی رێزلێنانە.

ئەم هونەرمەندە لە ساڵی 1991 یەکێک بووە لە دامەزرێنەرانی کۆمەڵەی ھونەرمەندانی کوردستان/ هەولێر، هەروەها دەستەی دامەزرێنەری تەلەڤیزیۆنی کوردستان تیڤی بووە لە ساڵی 1992، لەگەڵ ئەوەشدا دەستەی دامەزرێنەری سەندیکای ھونەرمەندانی کورردستان بووە، لە ساڵی 1998، وەکو سکرتێری گشتیی سەندیکا هەڵبژێردرا، ئەمڕۆ 23-9-2019 لە تەمەنی 68 ساڵیدا بەخۆشی شێرپەنجە لە شاری هەولێر کۆچی دواییکرد.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger