رووداو دیجیتاڵ لە رووداوێکی تەقەکردندا لە شاری میدلاندی تێکساس، لانیکەم کەسێک کوژرا و 10 کەسی دیکەش بریندار بوون. تەقەکەریش کوژرا. پۆلیسی شارەکە ئاماژەی بەوە کرد، هێزەکانیان وەڵامی بانگەوازێکیان داوەتەوە سەبارەت بە بوونی تەقەکەرێک لە شەقامی (وێست وۆڵ). لە ڤیدیۆیەکیشدا کە لە تۆڕی کۆمەڵایەتییەکان بڵاوکراوەتەوە، دەنگی تەقەی یەک لە دوای یەک دەبیسترێ. گوتەبێژی نەخۆشخانەی (میدلاند میمۆریال)ی شارەکە رایگەیاند، 9 بریندار گەیێندراونەتە نەخۆشخانەکەی؛ سێ لە بریندارەکان براونەتە ژووری نەشتەرگەری؛ دوو بریندار باری تەندروستییان جێگیرە، سێ کەسیشیان دوای وەرگرتنی چارەسەر نەخۆشخانەیان جێهێشتووە. ئەوی دیکەش بۆ نەخۆشخانەیەکی دیکە گوێزراوەتەوە. تاوەکو ئێستا بەرپرسانی شاری میدلاند پشتڕاستیان نەکردووەتەوە کە ئایا هەموو بریندارەکان بە فیشەک پێکراون یان نا. لۆری بلۆنگ، سەرۆک شارەوانیی میدلاند لە کۆنفرانسێکی رۆژنامەڤانیدا رایگەیاند: "نزا و هاوسۆزیمان بۆ بریندارەکان و خێزانەکانیانە". شارەوانیی میدلاند لە پۆستێکدا لە تۆڕی ئێکس رایگەیاند: "هەر کاتێک زانیاریی زیاتر لەبەردەست بوو، بۆ رای گشتی بڵاوی دەکەینەوە."
جیهان12-06-2026بۆ رێگری لە وەرگرتنی وڵاتینامە؛ ئەمریکا سەدان ڤیزای "گەشتوگوزاری لەدایکبوون" پوچەڵ دەکاتەوە
جیهان12-06-2026بەرپرسێکی باڵای کۆشکی سپی وردەکاریی رێککەوتنەکە ئاشکرا دەکات: یۆرانیۆمی پیتێندراو لەنێودەبرێ و دەبرێتە دەرەوە
