رووداو- كەركووك
چوار کەس لە کەرکووک ویستوویانە بۆڕیيەکی نەوت بشکێنن بەڵام لەلایەن پۆلیسی قەزاو ناحیەکانی کەرکوکەوە دەستگیرکراون و ئێستاش لە ژێر لێکۆلینەوەدان.
عەمید سەرحەد قادر، بەڕێوبەری پۆلیسی قەزاو ناحیەکانی کەرکووک بە تۆڕی میدیایی رووداوی راگەیاند،" ئەو کەسانە هەندێک کەلوپەلیان پێبووە و هەوڵیان داوە بۆڕییەکی نەوت بشکێنن و نەوتەکەی بە قاچاخ ببن، بەڵام لەلایەن پۆلیسەوە دەستگیرکراون".
عەمید سەرحەد گوتیشی:" ئەو کەسانە لە باشووری کەرکووک گیراون، سێ کەسیان بە رەگەز عەرەبن و یەكێكیشیان کوردە". ئاماژەی بەوەش کرد کە ئەو کەسانە لەژێر لێکۆڵینەوەدان و لەوانەیە هەندێك کەسی دیکەشیان لەگەڵدابێت، "کە لێکۆڵینەوە تەواوبوو بۆ دەزگاکانی راگەیاندنی بڵاوی دەکەینەوە".
.jpg&w=3840&q=75)
