رووداو- هەولێر
ئەنوەر حوسێن، بەڕێوەبەری ناحیەی جەلەولا لە رێگەی تۆڕی میدیایی رووداو پەیامێك ئاراستەی خەڵكی جەلەولا دەكات و داوایان لێدەكات ئێستا بەهیچ شێوەیەك نەگەڕێنەوە ناحیەكەیان.
ئەنوەر حوسێن دەڵێت ئەگەر ئێستا هاونیشتمانییان بگەڕێنەوە رۆژانە 100 بۆمبیان پێدادەتەقێتەوە و رووبەڕووی بۆمبی چێندراو دەبنەوە، دڵنیاییش دەداتە خەڵكی ناحیەكەی كە دوای پووچەڵكردنەوەی بۆمبەكان دەتوانن بگەڕێنەوە.
هەروەها دەشڵێت كۆنترۆڵكردنەوەی جەلەولا 15 بۆ 20 رۆژی دەوێت. ئاماژە بۆ ئەوەش دەكات كە ئێستا رەوشی ناحیەكە زۆر ئارامە و هێزەكانی پێشمەرگە خەریكی پتەوكردنی سەنگەرەكانیانن.
ئەمڕۆ یەكەشەممە دوای شەڕێكی قورسی 9 كاژێری، هێزی پێشمەرگەی كوردستان كۆنترۆڵكردنەوەی تەواوی ناحیەی جەلەولای راگەیاند، بەپێی دوایین زانیارییەكانیش لە شەڕەكەدا 18 بۆ 20 پێشمەرگە شەهیدبوون و نزیكەی 40 پێشمەرگەی دیكەش برینداربوون، كە بەشی زۆری قوربانییەكان بەهۆی بۆمبی چێندراوەوە بوون.
.jpg&w=3840&q=75)
