رووداو دیجیتاڵ ژمارەیەک لە هاونیشتمانییانی گەڕەکی مامۆستایانی 2 لە شاری هەولێر دەڵێن، بەدەست شکان و بەفیڕۆچوونی ئاوی خواردنەوەوە دەناڵێنن و داوا لە لایەنە پەیوەندیدارەکان دەکەن بە هانایانەوە بچن. بەڕێوەبەری ئاوی هەولێریش رایدەگەیێنێت کە دەستبەجێ بەدواداچوون بۆ کێشەکە دەکەن. بە گوتەی ژمارەیەک هاونیشتمانیی گەڕەکی مامۆستایانی 2 نزیک مزگەوتی حاجی تەها (نزیک بازاڕی لەنگە) لە شەقامی 40 مەتریی هەولێر، ماوەیەکە بۆرییەکی سەرەکیی ئاوی خواردنەوە لە ناوچەکەیان شکاوە، بەو هۆیەشەوە بڕێکی زۆر ئاو بەفیڕۆ دەچێت و بووەتەهۆی دروستبوونی ئاستەنگ لە گەڕەکەکەدا. هاونیشتمانییان داواکارن بەڕێوەبەرایەتیی ئاوی هەولێر هەرچی زووە تیمەکانی بنێرێت بۆ چاککردنەوەی ئەو بۆرییە. لەسەر ئەم بابەتە، رابەر حوسێن، بەڕێوەبەری ئاوی هەولێر بە رادیۆی رووداوی گوت، پێشتر لەسەر ئەم دۆخە ئاگادار نەکراونەتەوە و رایگەیاند: "تاوەکو ئێستا زانیارییەکمان لەسەر شکان و شوێنی ئەم بۆرییە بەدەست نەگەیشتووە." بەڕێوەبەری ئاوی هەولێر ئاماژەی بەوەکرد، دەستبەجێ تیمەکانیان رادەسپێرن بۆ چوونە شوێنی مەبەست و چاککردنەوەی بۆرییەکە لەپێناو رێگریکردن لە بەفیڕۆچوونی زیاتری ئاوی خواردنەوەی هاونیشتمانییان.
هەواڵە ناوخۆییەکان21-07-2026پڕۆژەی رووناکی: کارەبا بەهۆی کێشەیەکی تەکنیکییەوە لە بەشێکی هەرێمی کوردستان کوژایەوە
هەواڵە ناوخۆییەکان21-07-2026ئاماری 6 مانگی رووداوەکانی هاتووچۆ لە هەولێر و هەڵەبجە؛ 25 کەس گیانیان لەدەستداوە
هەواڵە ناوخۆییەکان21-07-2026قایمقامی دهۆک: هەر بەنزینخانەیەک پابەندی نرخی نوێی بەنزین نەبێ، سزا دەدرێ
.jpg&w=3840&q=75)
.jpg&w=3840&q=75)
