رووداو دیجیتاڵ
بەگوێرەی ئامارەکانی بەڕێوەبەرایەتیی گشتیی کەشناسیی هەرێمی کوردستان، لە 48 کاژێری رابردوودا زۆرترین بڕی باران لە قەزای چوارتا لە پارێزگای سلێمانی باریوە کە 136.5 ملیمەتر بووە. کەمترین بڕ لە رواندز لە پارێزگای هەولێر باریوە کە 23.7 ملیمەتر بووە. کەشناسی دەڵێ: "بارانبارین بەردەوام دەبێ".
لە سنووری پارێزگای هەولێر زۆرترین بڕ لە ناوچەی نازەنین باریوە کە 122 ملیمەتر بووە. لە پارێزگای دهۆک زۆرترین بڕ لە ناوچەی بجیل باریوە کە 84.5 ملیمەتر بووە. هەروەها لە پارێزگای کەرکووک و ئیدارەی گەرمیان زۆرترین بڕ لە قەزای کفری باریوە کە 105.5 ملیمەتر بووە. لە پارێزگای هەڵەبجە زۆرترین بڕ لە تەوێڵە باریوە کە 118.3 ملیمەتر بووە.
بڕی بارانبارینی 48 کاژێری رابردوو لە سەنتەری پارێزگاکانی باشووری کوردستان کە رووداو کۆی کردووەتەوە بەم شێوەیەیە: سلێمانی 101.4 ملیمەتر - هەڵەبجە74.1 ملیمەتر – هەولێر 72.5 ملیمەتر – کەرکووک 44.3 ملیمەتر - دهۆک 42.3 ملیمەتر.
ئاماری بارانبارین بەگوێرەی پارێزگاکان
پارێزگای هەولێر
هەولێر 72.5 ملیمەتر - پیرمام 68.5 ملیمەتر - شەمامک 78.2 ملیمەتر - سۆران 27 ملیمەتر - هیران 80 ملیمەتر - خەبات 74.8 ملیمەتر - شەقڵاوە 46 ملیمەتر - حاجی ئۆمەران 52.6 ملیمەتر - بارزان 61.5 ملیمەتر - رواندز 23.7 ملیمەتر - مێرگەسۆر 46 ملیمەتر - کۆیە 73.6 ملیمەتر - تەقتەق 36.5 ملیمەتر - سیدەکان 25 ملیمەتر - دێگەڵە 75 ملیمەتر - چۆمان 30.2 ملیمەتر - خەلیفان 28 ملیمەتر - نازەنین 122 ملیمەتر - بەنداوی گۆمەسپان 93.4 ملیمەتر - بەنداوی دووین 60 ملیمەتر.
پارێزگای سلێمانی
سلێمانی 101.4 ملیمەتر - چەمچەماڵ 108.9 ملیمەتر - دووکان 50 ملیمەتر - بازیان 112.1 ملیمەتر - رانیە 62.7 ملیمەتر - قەڵادزێ 47 ملیمەتر - ماوەت 70.4 ملیمەتر - چوارقوڕنە 65 ملیمەتر - سەرکەپکان 60.7 ملیمەتر - دەربەندیخان 82 ملیمەتر - پێنجوێن 102.1 ملیمەتر - ئاغجەلەر 104 ملیمەتر - سەنگاو 104 ملیمەتر - چوارتا 136.5 ملیمەتر - یاخسەمەر 78.9 ملیمەتر - سەیدسادق 79.6 ملیمەتر - بەرزنجە 128 ملیمەتر - قەرەداغ 134.1 ملیمەتر - قڕگە 98.8 ملیمەتر - تەکیە 104.4 ملیمەتر - سیتەک 88.4 ملیمەتر.
پارێزگای دهۆک
دهۆک 42.3 ملیمەتر - زاخۆ 36.2 ملیمەتر - ئاکرێ 77.8 ملیمەتر - بامەرنێ 54 ملیمەتر - مانگێش 61 ملیمەتر - کانی ماسێ 72 ملیمەتر - ئامێدی 63 ملیمەتر - بجیل 84.5 ملیمەتر - گردەسێن 81.3 ملیمەتر - دینارتە 65.4 ملیمەتر - باتوفا 46 ملیمەتر - سەرسینگ 68 ملیمەتر - شێخان 51 ملیمەتر - بەردەڕەش 56.7 ملیمەتر - دێرهلووک 62 ملیمەتر - باعەدرێ 53 ملیمەتر - قەسرۆک 51.5 ملیمەتر - چەمانکێ 76 ملیمەتر - زاویتە 67.5 ملیمەتر - سێمێل 51.6 ملیمەتر - شیلادزێ 53 ملیمەتر.
پارێزگای کەرکووک و گەرمیان
کەرکووک 44.3 ملیمەتر - کەلار 54.4 ملیمەتر - مەیدان 99.8 ملیمەتر - خانەقین 48.8 ملیمەتر - خورماتوو 51.6 ملیمەتر - کفری 105.5 ملیمەتر - شوان 68.8 ملیمەتر - تەکیەی جەباری 82.5 ملیمەتر.
پارێزگای هەڵەبجە
هەڵەبجە 74.1 ملیمەتر - تەوێڵە 118.3 ملیمەتر - خورماڵ 76.1 ملیمەتر - بیارە 93 ملیمەتر - سیروان 69.5 ملیمەتر.
کەشوهەوای ئەمڕۆ و سبەی
کەشناسیی هەرێمی کوردستان رایگەیاندووە، ئەمڕۆ شەممە "نمەباران و بارانی مامناوەند بە پچڕ پچڕی دەبارێ. لە ناوچەکانی باکوور و باکووری رۆرهەڵاتی هەرێمی کوردستان پێشبینی دەکرێ رێژەی بارین زیاتر بێت".
لەبارەی کەشوهەوای سبەیەوە، کەشناسی رایگەیاندووە: "ئاسمان هەور دەبێ، نمەبارانی پچڕ پچڕ لە هەندێک ناوچەی باکووری رۆژهەڵاتی هەرێمی هەرێمی کوردستان دەبارێ. دوای نیوەرۆ نمەباران سەرجەم ناوچەکان دەگرێتەوە".
بەگوێرەی کەشناسیی هەرێمی کوردستان، بەرەبەیانی سبەی یەکشەممە لە بەشێکی ناوچەکانی پارێزگاکانی هەولێر و سلێمانی تەمێکی "کورت خایەن" دروست دەبێت.
سبەی بەراورد بە ئەمڕۆ پلەی گەرما دوو بۆ سێ پلەی سیلیزی بەرز دەبێتەوە. وەکو کەشناسیی هەرێمی کوردستان رایگەیاندووە، بەمشێوەیە دەبێت:
هەولێر؛ 15 پلەی سیلیزی
پیرمام؛ 11 پلەی سیلیزی
سۆران؛ 12 پلەی سیلیزی
حاجی ئۆمەران؛ 4 پلەی سیلیزی
سلێمانی؛ 13 پلەی سیلیزی
چەمچەماڵ؛ 14 پلەی سیلیزی
دهۆک؛ 14 پلەی سیلیزی
زاخۆ؛ 14 پلەی سیلیزی
هەڵەبجە؛ 15 پلەی سیلیزی
گەرمیان؛ 18 پلەی سیلیزی
.jpg&w=3840&q=75)