رووداو دیجیتاڵ
سەرۆک بارزانی لە پیرمام پێشوازیی لە فالح فەیاز، سەرۆکی دەستەی حەشدی شەعبی کرد و پێکەوە بارودۆخی سیاسی و دوایین پێشهاتەکانی عێراق و ناوچەکەیان تاوتوێ کرد.
بەگوێرەی راگەیێندراوێکی بارەگای بارزانی، دیدارەکە ئەمڕۆ شەممە، 21ـی تشرینی دووەمی 2026، بەڕێوەچووە و تێیدا رۆشنایی خراوەتە سەر پەیوەندییەکانی نێوان حکومەتی هەرێمی کوردستان و حکومەتی عێراقی فیدراڵ.
لە راگەیێندراوەکەی بارەگای بارزانیدا هاتووە: "هەردوولا جەختیان لەوە کردەوە کە کێشە و گرفتەکانی نێوان هەرێمی کوردستان و عێراقی فیدراڵ لە چوارچێوەی دەستووردا قابیلی چارەسەرن و پێویستە دەستوور پێوەر و بنەمای سەرەکی بێت بۆ تێپەڕاندن و نەهێشتنی ناکۆکییەکانی نێوان هەردوولا."
دەقی راگەیێندراوەکە
سەرۆك بارزانی پێشوازی لە سەرۆكی دەستەی حەشدی شەعبی دەكات
رۆژی شەممە، 21ـی تشرینی دووەمی 2026 لە پیرمام سەرۆك مەسعود بارزانی پێشوازی لە بەڕێز فالح فەیاز سەرۆكی دەستەی حەشدی شەعبی كرد.
لە دیدارەكەدا گفتوگۆ لەبارەی بارودۆخی سیاسی و دوایین پێشهاتەكانی عێراق و ناوچەكە كرا. هەروەها رۆشنایی خرایە سەر پەیوەندییەكانی نێوان حكوومەتی عێراقی فیدڕاڵ و حكوومەتی هەرێم و هەردوولا جەختیان لەوە كردەوە كە كێشە و گرفتەكانی نێوان هەرێمی كوردستان و عێراقی فیدڕاڵ لە چوارچێوەی دەستوور قابیلی چارەسەرن و پێویستە دەستوور پێوەر و بنەمای سەرەكی بێت بۆ تێپەڕاندن و نەهێشتنی ناكۆكییەكانی نێوان هەردوولا.


