کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

کوردستان

لە دیلۆک پاسێکی گەشتیاری و دوو بارهەڵگر پێکیاندادا؛ 23 کەس بریندار بوون

رووداو دیجیتاڵ

رووداو دیجیتاڵ

20-11-2026
گوێبگرە
0:00
0:00
قەبارەی دەق
رووداو دیجیتاڵ

رووداو دیجیتاڵ

20-11-2026

بابەتی پەیوەندیدار

عیزەت شابەندەر: پرسی "هەرێمی سلێمانی" بەرپرسانی بەغدای بەسەر دوو ئاراستەدا دابەشکردووە
کوردستان20-11-2026

عیزەت شابەندەر: پرسی "هەرێمی سلێمانی" بەرپرسانی بەغدای بەسەر دوو ئاراستەدا دابەشکردووە

ئەندامێکی مەکتەبی سیاسیی حیزبی شیوعی کوردستان: پێویستمان بە یەکگرتووییە نەوەک دابەشبوون
کوردستان20-11-2026

ئەندامێکی مەکتەبی سیاسیی حیزبی شیوعی کوردستان: پێویستمان بە یەکگرتووییە نەوەک دابەشبوون

سالار عەزیز: جیاکردنەوەی هەرێمی سلێمانی خەیاڵە
کوردستان20-11-2026

سالار عەزیز: جیاکردنەوەی هەرێمی سلێمانی خەیاڵە

رووداو دیجیتاڵ


لە رووداوێکی هاتووچۆدا لە سنووری شارۆچکەی نورداغیی سەر بە پارێزگای دیلۆک، پاسێکی گەشتیاری کە لە ئیستەنبووڵەوە بەرەو مێردین دەچوو لەگەڵ دوو بارهەڵگردا پێکیاندادا و لە ئەنجامدا 23 کەس بریندار بوون کە برینی 3 کەسیان سەختە.


رووداوەکە بەیانیی ئەمڕۆ هەینی، 20ـی تشرینی دووەمی 2026، لەسەر رێگەی خێرای تارسوس - ئەدەنە - دیلۆک روویداوە. پێکدادانەکە لەنێوان پاسێکی گەشتیاریی نەفەرهەڵگر و دوو بارهەڵگر بووە.


بەپێی زانیارییە سەرەتاییەکان، بەهۆی تیژڕۆیی، بارهەڵگرەکە لە کۆنترۆڵ دەرچووە و دوای ئەوەی خۆی کێشاوە بە راگری نێوەڕاستی رێگەکەدا، وەرگەڕاوە.


دواتر بارهەڵگرێکی دیکە و پاسێکی گەشتیاری کە سەرنشینی لە ئیستەنبووڵەوە بەرەو مێردین دەگواستەوە، لە دواوە خۆیان کێشاوە بە بارهەڵگرەکەدا و بەهۆیەوە ژمارەیەکی زۆر لە سەرنشینانی ناو پاسەکە بریندار بوون.


دوای رووداوەکە تیمەکانی جەندرمە، تەندروستی، ئاگرکوژێنەوە و تیمی فریاکەوتنی پزیشکیی نیشتمانیی تورکیا رەوانەی شوێنی رووداوەکە کران.


تیمەکانی جەندرمە رێوشوێنی پاراستنی رێگەکەیان گرتەبەر و تیمە تەندروستییەکانیش دوای پێشکێشکردنی فریاگوزاریی سەرەتایی، بریندارەکانیان گواستەوە بۆ نەخۆشخانەکانی ناوەندی شاری دیلۆک.


دوای رووداوەکە هاتووچۆ لە رێگە خێراکەدا بەرەو دیلۆک لەسەر یەک هێڵ و بە شێوەیەکی کۆنترۆڵکراو بەڕێوەدەچێت، شۆفێری بارهەڵگرەکە دەستبەسەر کراوە و لێکۆڵینەوە لەسەر رووداوەکە دەستیپێکردووە.


رێگەی خێرای تارسوس - ئەدەنە - دیلۆک یەکێکە لە هێڵە سەرەکی و قەرەباڵخەکانی گواستنەوەی نێوان رۆژئاوا و ناوەڕاستی تورکیا لەگەڵ شارەکانی باکووری کوردستاندا، کە رۆژانە ژمارەیەکی زۆر لە پاسی نەفەرهەڵگر و بارهەڵگرە بازرگانییەکان لەنێوان ئیستەنبووڵ، ئەدەنە، دیلۆک، ئامەد و مێردین هاتووچۆی پێدا دەکەن.


ئەو رێگە خێرایە لە سنووری پارێزگای دیلۆکدا بەهۆی پێکهاتە شاخاوییەکەی، لێژایی و چڕیی هاتووچۆی ئۆتۆمبێلە بارهەڵگرە قورسەکانەوە، لە رابردووشدا چەندین رووداوی هاوشێوەی پێکدادانی لێ روویداوە.

بابەتی پەیوەندیدار

عیزەت شابەندەر: پرسی "هەرێمی سلێمانی" بەرپرسانی بەغدای بەسەر دوو ئاراستەدا دابەشکردووە
کوردستان20-11-2026

عیزەت شابەندەر: پرسی "هەرێمی سلێمانی" بەرپرسانی بەغدای بەسەر دوو ئاراستەدا دابەشکردووە

ئەندامێکی مەکتەبی سیاسیی حیزبی شیوعی کوردستان: پێویستمان بە یەکگرتووییە نەوەک دابەشبوون
کوردستان20-11-2026

ئەندامێکی مەکتەبی سیاسیی حیزبی شیوعی کوردستان: پێویستمان بە یەکگرتووییە نەوەک دابەشبوون

سالار عەزیز: جیاکردنەوەی هەرێمی سلێمانی خەیاڵە
کوردستان20-11-2026

سالار عەزیز: جیاکردنەوەی هەرێمی سلێمانی خەیاڵە

پێشنیازەکان

ئەمەنەش ببینە