راپۆرتی کەشناسی: شەپۆلەکە لە هەولێر و دهۆک لاواز دەبێت و لە سلێمانی و گەرمیان چالاکتر

رووداو دیجیتاڵ

بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان، راپۆرتی پێشبینیی کەشوهەوای بۆ رۆژانی 7 تاوەکو 9ی تشرینی دووەمی 2026 بڵاو کردەوە. بەپێی راپۆرتەکە، کاریگەریی شەپۆلێکی بارانبارین لە ناوچەکەدا بەردەوام دەبێت.

رۆژی شەممە 7-11-2026:
پێشبینی دەکرێت کاریگەریی ئەم شەپۆلە لە ناوچەکانی سنووری پارێزگای هەولێر و پارێزگای دهۆک بە لاوازی و بە بارانی پچڕپچڕ بەردەوام بێت، بەڵام لە ناوچەکانی پارێزگای سلێمانی و ئیدارەی گەرمیان چالاکتر دەبێت. بڕی بارانبارین بە ملیمەتر بەم شێوەیەی خوارەوە دەبێت:

*   هەولێر: 2 - 5
*   سلێمانی: 10 - 20
*   هەڵەبجە: 15 - 25
*   کەرکووک: 2 - 5
*   دهۆک: 2 - 4

هەروەها لە ئیدارە سەربەخۆکاندا:
*   ئیدارەی زاخۆ: 2 - 5
*   ئیدارەی سۆران: 8 - 13
*   ئیدارەی راپەڕین: 10 - 20
*   ئیدارەی گەرمیان: 5 - 15

رۆژی یەکشەممە 8-11-2026:
بارانبارین لە ناوچەکانی پارێزگای سلێمانی، ئیدارەی گەرمیان و ئیدارەی راپەڕین بە لاوازی بەردەوام دەبێت، لە ناوچەکانی دیکەش ئاستی بارانبارین دادەبەزێت. بڕی بارانبارین بە ملیمەتر بەم شێوەیەی خوارەوە دەبێت:

*   هەولێر: 4 - 8
*   سلێمانی: 7 - 13
*   هەڵەبجە: 10 - 20
*   کەرکووک: 2 - 4
*   دهۆک: 3 - 6

هەروەها لە ئیدارە سەربەخۆکاندا:
*   ئیدارەی زاخۆ: 2 - 5
*   ئیدارەی سۆران: 7 - 13
*   ئیدارەی راپەڕین: 8 - 15
*   ئیدارەی گەرمیان: 5 - 15

رۆژی دووشەممە 9-11-2026:
کاریگەریی شەپۆلی بارانبارین بە لاوازی لە کاتەکانی بەیانی لە سنووری پارێزگای سلێمانی و ئیدارەی سۆران و ئیدارەی راپەڕین و ئیدارەی گەرمیان بەردەوام دەبێت و پلەکانی گەرما زیاتر دادەبەزێت.

بەپێی پێشبینییەکانی کەشناسی، لە رۆژانی داهاتوودا بارانبارین لە ناوچەکان بە پچڕپچڕی دەبێت، لە سنووری پارێزگای هەولێر و دهۆک بارانبارین کەمتر دەبێت و لە هەندێک ناوچەی سنووریش پێشبینی دەکرێت بەفر ببارێت.