رووداو دیجیتاڵ
لە رووداوێکی هاتووچۆدا لە پارێزگای کرماشانی رۆژهەڵاتی کوردستان، دوو هاونیشتمانی گیانیان لەدەستدا و دوو هاونیشتمانیی دیکەش بریندار بوون.
رووداوەکە شەوی رابردوو لە رێگەی روانسەر-کرماشان و لە نزیک گوندی حەسەنئاوا روویدا و ئۆتۆمبێلێکی تایبەت لە جۆڕی پیژۆ-405 وەڕگەڕا.
لە رووداوەکەدا دوو هاونیشتمانی بە ناوەکانی محەممەدڕەشید قادری و ئەعزەم ئەعزەمی گیانیان لەدەستدا و دوو هاونیشتمانیی دیکەش بریندار بوون.
محەممەدڕەشید قادری
بەپێی زانیارییەکان، ئەو هاونیشتمانییانە خەڵکی جوانڕۆن لە هەمان پارێزگا.
ساڵانە لە ئێران و رۆژهەڵاتی کوردستان، هەزاران کەس بەهۆی خراپیی رێگەوبانەکان، کۆنی و کواڵیتی خراپیی ئۆتۆمبێلەکان و تیژڕۆییی بە رووداوی هاتووچۆ گیانیان لەدەستدەدەن.
لە 18ی تشرینی یەکەمی 2026، بەهتاش خانیئاباد، بەڕێوەبەری دادپزیشکیی پارێزگای کرماشان رایگەیاند، لە 21-3-2026ەوە تاوەکو 21-9-2026، 319 کەس لەو پارێزگایە بە رووداوی هاتووچۆ گیانیان لەدەستداوە.
بەپێی ئاماری رێکخراوی پزیشکی دادی ئێران، لە 21-3-2025 تاوەکو 21-3-2026، 19 هەزار و 540 کەس لە رووداوەکانی هاتووچۆدا لە رۆژهەڵاتی کوردستان و ئێران گیانیان لەدەستداوە.
ئەعزەم ئەعزەمی
.
