رووداو دیجیتاڵ
سەرۆکی هەرێمی کوردستان لەگەڵ باڵیۆزی ئیتاڵیا لە عێراق کۆبووەوە. باڵیۆزی ئیتاڵیا لە کۆبوونەوەکەدا ئاماژەی بەوە کردووە، وڵاتەکەی "به بايهخهوه له پهيوهندييهكانى لهگهڵ عێراق و ههرێمى كوردستان و له ئاسايش و سهقامگيرييان دهڕوانێت."
ئێوارهى ئهمڕۆ سێشهممه 15-09-2026 نێچیرڤان بارزانی، سهرۆكی ههرێمی كوردستان پێشوازیی له نیکۆلۆ فۆنتانا، باڵیۆزی ئیتاڵیا له عێراق و شاندێکی یاوەری کرد.
له دیدارێكدا، بەپێی راگەیێندراوی سەرۆکایەتیی هەرێمی کوردستان، هەردوولا "پەرەپێدانی پەیوەندییەکانی ئیتاڵیا لەگەڵ عێراق و هەرێمی کوردستانیان لە بوارە جیاوازەکاندا تاوتوێ کرد." نێچیرڤان بارزانی "سوپاس و پێزانینی هەرێمی کوردستانی بۆ رۆڵ و پشتیوانیی بەردەوامی ئیتاڵیا لە چوارچێوەی هاوپەیمانیی نێودەوڵەتی و هاوکاریی سەربازی و مرۆیی و پهرهپێدان و بواری شوێنهواردا دووپات کردەوە."
لای خۆیەوە، باڵیۆزی ئیتاڵیا "جەختی لە خواستی وڵاتەکەی بۆ پتەوکردنی زیاتری پەیوەندییەکان و بەردەوامیی هاريکاریی هاوبەشى نێوانيان کردەوە،" ئەمەش وەکو لە راگەیێندراوی سەرۆکایەتیی هەرێمی کوردستان دا هاتووە.
ههروهها باڵیۆزی ئیتاڵیا لە عێراق ئاماژهى بهوهش دا، "ئيتاڵيا به بايهخهوه له پهيوهندييهكانى لهگهڵ عێراق و ههرێمى كوردستان و له ئاسايش و سهقامگيرييان دهڕوانێت و له پشتگيريكردنيان بهردهوام دهبێت."
بارودۆخی ناوخۆی عێراق و ههرێمی کوردستان و پەیوەندییەکانی هەولێر و بەغدا، لەگەڵ دوایین پێشهات و گرژییەکانی ناوچەکە، تەوەرێکی دیکەی ديدارهكه بوو کە تۆماسۆ سانسۆنێ، كۆنسووڵی گشتیی ئیتاڵیا له ههرێمى كوردستان ئامادهی بوو.