رووداو دیجیتاڵ وەزارەتی کارەبا رایدەگەیێنێت، "نزیکەی 800 هەزار هاوبەش سوودیان لە داشکاندنی قەرزی کۆنی پێش پرۆژەی رووناکی وەرگرتووە". وەزارەتی کارەبای حکومەتی هەرێمی کوردستان ئەمڕۆ دووشەممە رایگەیاند، نزیکەی 800 هەزار هاوبەش لە سەرانسەری کوردستان سوودیان لە داشکاندنە تایبەتەکەی قەرزی کۆنی پێش پڕۆژەی رووناکی وەرگرتووە. داشکاندنەکە رۆژی سێی ئاب دەستیپێکرد و (10)ی ئەم مانگە کۆتاییهات. لە راگەیێندراوەکەی وەزارەتی کارەبادا هاتووە، "ئەم داشکاندنە هاوکاتە لەگەڵ کۆتاییهاتنی پڕۆژەی رووناکی و گواستنەوە لە قەرزە کۆنەکانەوە بۆ سیستمێک تیایدا هەموو بەکارهێنەران بۆ دڵنیابوون لە دادپەروەری، بە بەردەوامی و لە کاتی خۆیدا کرێی کارەبا دەدەن". وەزارەتەکە لە راگەیێندراوەکەیدا ئاماژەی بە درێژکردنەوەی داشکاندنەکە نەکردووە. سەرپەرشتیاری پڕۆژەی رووناکی رۆژی 10ـی ئاب بە رووداوی گوت: بە هیچ شێوەیەک داشکاندنەکە درێژ ناکرێتەوە.
کوردستان13-09-2026کارەساتی گرتووخانەی کۆبانێ؛ ژیانی 7 بریندار لە مەترسیدایە و هیچ ناوەندێکی تایبەت بە سووتان لە شارەکە نییە
کوردستان13-09-2026شاندی دانوستاندنکاری حکومەت دەرئەنجامی گفتوگۆکانی بەغدا دەخاتە بەردەم لایەنە سیاسییەکان
