.webp&w=3840&q=75)
رووداو دیجیتاڵ
هاوپەیمانیی چوارچێوەی هاوئاهەنگی لە کۆبوونەوەی هەفتانەی خۆیدا میوانداریی فالح ساری، وەزیری دارایی کردووە بۆ تاوتوێکردنی کاروباری دارایی و ئابووری.
ئەو کۆبوونەوەی هاوپەیمانیی چوارچێوەی هاوئاهەنگی شەوی دووشەممە 5ی تشرینی یەکەمی 2026 لە نووسینگەی موحسین مەندەلاوی، سەرۆکی هاوپەیمانیی ئەساسی نیشتمانی لە بەغدا کراوە.
بەگوێرەی راگەیێنراوێکی هاوپەیمانییەکە، بەشداربووانی کۆبوونەوەکە تاوتوێی ئەو دۆسیە دارایی و ئابوورییانەیان کردووە کە جێگەی گرنگین و جەختیان لەوە کردووەتەوە، سیاسەتێکی نەختینەیی و گەشەپێدانی پەیڕەو بکرێت کە پاڵپشتیی سەقامگیریی ئابووریی عێراق و باشکردنی بژێوی هاووڵاتیان و خزمەتگوزارییەکان بێت.
هاوپەیمانیی چوارچێوەی هاوئاهەنگی رایگەیاندووە، لەو کۆبوونەوەیەدا تاوتوێی دۆخی هەرێمی و نێودەوڵەتییان کردووە و بە گرنگیان زانیوە پارێزگاری لە سەقامگیریی عێراق و بەرژەوەندییە باڵاکانى بکرێت.
