رووداو دیجیتاڵ
بانکی ناوەندیی عێراق لەساڵی 2023دا بانکەکانی بە زیاتر لە 150 ملیار دینار سزاداوە، راوێژکارێکی پێشووی بانکی ناوەندیی عێراقیش دەڵێت: "ئەو سزایانە لە پێشێلکردنی یاسا و رێنماییەکانەوە تاوەکو خراپ بەکارهێنانی دەسەڵاتەکان درێژە دەکێشێت و سزاکانیش لە ساڵی 2023 زۆر زیاتر بوونە لە چاو ساڵانی پێشوو."
بەپێی بەدواداچوونەکانی تۆڕی میدیایی رووداو بۆ ئامارەکانی بانکی ناوەندی، دەردەکەوێت ساڵی رابردوو بانکی ناوەندی بەهۆی پێشێلکارییەکان، 402 سزای کارگێڕی و دارایی بانکەکانی داوە، سەرجەم بڕی سزا داراییەکەش 150 ملیار و 220 ملیۆن و 794 هەزار دینار بووە.
ئیحسان شەمران یاسری، راوێژکاری پێشووی بانکی ناوەندیی عێراق، بە رووداوی راگەیاند: "سزاکان زۆربەیان پەیوەندییان بە بەهای دۆلار و پارێزگاریکردن لە بەهای دیناری عێراقی بووە. گوتیشی، بەهۆی ئەو رێکارانەی حکومەتی عێراق بۆ پاراستنی بەهای دینار دەیانگرێتەبەر سزاکان بەبەراورد بە ساڵانی پێشوو زیادیان کردووە."
سزادانی بانکەکان لە ساڵی 2023دا
- کانوونی دووەم:
بڕی سزا: 9 ملیار و 570 ملیۆن و 15 هەزار دینار
ژمارەی سزاکان: 50 سزا
- شوبات:
بڕی سزا: 14 ملیار و 386 ملیۆن و 124 هەزار دینار
ژمارەی سزاکان: 39 سزا
- ئادار:
بڕی سزا: 10 ملیار و 750 ملیۆن و 562 هەزار دینار
ژمارەی سزاکان: 45 سزا
- نیسان:
بڕی سزا: 17 ملیار و 440 ملیۆن و 383 هەزار دینار
ژمارەی سزاکان: 17 سزا
- ئایار:
بڕی سزا: 15 ملیار و 923 ملیۆن و 498 هەزار دینار
ژمارەی سزاکان: 25 سزا
- حوزەیران:
بڕی سزا: 8 ملیار و 353 ملیۆن و 387 هەزار دینار
ژمارەی سزاکان: 114 سزا
- تەممووز:
بڕی سزا: 13 ملیار و 353 ملیۆن و 844 هەزار دینار
ژمارەی سزاکان: 28 سزا
- ئاب:
بڕی سزا: 14 ملیار و 646 ملیۆن و 62 هەزار دینار
ژمارەی سزاکان: 18 سزا
- ئەیلوول:
بڕی سزا: 8 ملیار و 698 ملیۆن و 840 هەزار دینار
ژمارەی سزاکان: 12 سزا
- تشرینی یەکەم:
بڕی سزا: 15 ملیار و 173 ملیۆن و 755 هەزار دینار
ژمارەی سزاکان: 30 سزا
- تشرینی دووەم:
بڕی سزا: 8 ملیار و 337 ملیۆن و 645 هەزار دینار
ژمارەی سزاکان: 8 سزا
- کانوونی یەکەم:
بڕی سزا: 13 ملیار و 586 ملیۆن و 673 هەزار دینار
ژمارەی سزاکان: 16 سزا
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ