رووداو - هەولێر
بەهۆی هێرشی چەکدارانی داعش بۆ سەر بەشێک لە ناوچەکانی عێراق، ئاڵوگۆڕی بازرگانی نێوان باشووری کوردستان و عێراق وەستاوە، ئەو سنوورەش کە پێشتر باشووری کوردستان لەگەڵ عێراق هەیبوو ئێستا لەژێر کۆنترۆڵی چەکدارانی داعشدایە.
رێژەی ئەو کاڵا و خواردەمەنییانەی لە رێگەی ئوم قەسرەوە هاوردەی باشووری کوردستان دەکرێن %70 دابەزیوە، چونکە رێگای گواستنەوەیان بۆ باشووری کوردستان نییە، تاکە رێگایەک ئێستا کاڵای لێوە هاوردەدەکرێت رێگای مەندەلییە، ئەویش دەبێت بازرگانان ئەركی گواستنەوە بخەنە ئەستۆی خۆیان و هەروەها رێگاكەش هیچ گرەنتی نییە و پڕ سەرکێشییە.
