رووداو - هەولێر
رێک پێری، وەزیری وزەی ئەمریکا دوانیوەڕۆی ئەمڕۆ (سێشەممە، 11-12-2018) گەیشتە هەولێر و لەلایەن سەرۆک بارزانییەوە پێشوازی لێکرا.
سەنگەر عەبدولرەحمان، پەیامنێری رووداو لە فڕۆکەخانەی نێودەوڵەتیی هەولێر رایگەیاند "وەزیری وزەی ئەمریکا گەیشتە هەولێر و کۆبوونەوەی گرنگ دەکات سەبارەت بە وزە".
بڕیارە وەزیری وەزەی ئەمریکا و شاندێکی باڵای ئەو وڵاتە لەگەڵ نێچیرڤان بارزانی، سەرۆکوەزیرانی هەرێمی کوردستانیش کۆببنەوە.
سەردانەکەی رێک بێری، وەزیری وەزەی ئەمریکا پەیوەندی بە ئاییندەی وزە لە نێوان هەرێمی کوردستان و ئەمریکا هەیە، بەتایبەتی لە بوارەکانی نەوت و گاز، بە تایبەتیتریش لە بابەتی نەوتی کەرکووک.
وەزیری وەزەی ئەمریکا شاندێکی باڵای لەگەڵدایە، لەوانە باڵیۆزی ئەمریکا لە عێراق و کۆنسوڵی ئەمریکا لە هەولێر و ژمارەیەکی زۆر لە راوێژکار و دیپلۆماتکار یاوەری شاندەکەن.
پرۆفایلی ریک پێری:
- ناوی جەمیس ریچارد پێری-یە
- 4ـی ئاداری 1950 لە تێکساس لەدایکبووە
- لە 1989ـوە ئەندامی پارتی کۆمارییەکانە
- سەرمایەکەی دوو ملیۆن دۆلارە
- لەنێوان ساڵانی 1985 بۆ 1991، ئەندامی ئەنجوومەنی نوێنەران بووە لە تێکساس
- لەنێوان 1991 بۆ 1999 کۆمیسیاری کشتوکاڵ بووە لە تێکساس
- 1999 بۆ 2000 ئەفسەری یەکەمی تێکساس بووە
- 2000 بۆ 2015 حاکمی ویلایەتی تێکساس بووە
- لە ئاداری 2017ـەوە وەزیری وزەی ئەمریکایە
