ئەو ئەندازیارەی دیزایینی تووندوتۆڵی و سەلامەتیی پڕۆژەکەی کردووە، باسی بوومەلەرزە دەکات و دەڵێت لە پڕۆژەی ڤار پارکدا دوو سیستمی دژەبوومەلەرزە دانراون و ئەم سیستمە یەکەمینجارە لە باڵەخانەیەکی هەرێمی کوردستان و عێراق بەکاربهێنرێت.
ئاگر لە کەمپی هەرشەم لە رۆژئاوای شاری هەولێر کەوتەوە و زوو کۆنترۆڵ کرا، بەڵام بەشێک لە کەرەڤانەکانی کەمپەکە لە چاوتروکانێکدا بوونە رەژوو، ئەوەش بەهۆی ئەو ماددانەی کەرەڤانەکانی لێ دروستکراوە
لە قەزای خەباتی سەر بە پارێزگای هەولێر، دایکێک دوای جیابوونەوەی لە هاوژینەکەی، منداڵەکانی فڕێدەداتە دەرەوەی ماڵەکەی و منداڵەکان دوو رۆژە لەگەڵ باوکیان لە دووکانێکی قەزاکە دەمێننەوە. تەمەنی منداڵەکان 6، 7 و 8 ساڵانە. باوکیان دەڵێت: سێ مانگە لە هاوژینەکەی جیابووەتەوە و رێککەوتبوون کە منداڵەکان لای ئەو بن، بەڵام دوو رۆژە لە ماڵ دەریکردوون.
لە بنەسڵاوەی هەولێر، ماڵە خەزوورێک هەڵدەکوتنە سەر ماڵی زاواکەیان بەهۆی ئەوەی ویستوویەتی ژنی دووەم بهێنێت. زاواکە کە ناوی حەکیمە دەڵێت، 23 ساڵە ژنی هێناوە و منداڵیان نابێت، هەربۆیە ئێستا دەیەوێت ژنی دووەم بهێنێت
حوسام بەرزان، پارێزەر لە کەیسی کوشتنی هاوکار جاف، بە تۆڕی میدیایی رووداوی راگەیاند " ئەمڕۆ دادگای تاوانی هەولێر بە غیابی سزای پێنج کەسی دیکەی لەسەر کەیسی کوشتنی هاوکار جاف دا، دوو کەس لە سزادراوەکان بە زیندانیکردنی هەتاهەتایی و سێ کەسیان، هەریەکەیان بە حەوت ساڵ زیندانیکردن".
