دۆناڵد ترەمپ لە هەوڵێکی کوشتن رزگاری بوو؛ 'لە...

12:23

ئەم رووداوە کاریگەری لەسەر دەنگەکانی ترەمپ دەبێت؟

رێباز عەلی، بەرپرسی پێشووی نووسینگەی رووداو لە واشنتن لە بووڵتەنی کاژێر 12 باسی کاریگەریی رووداوەکە لەسەر دەنگەکانی دۆناڵد ترەمپ کرد، هەروەها ئەو پشتیوانییە نێودەوڵەتییەی بۆی دروست بووە.

بینەری تەواوی بووڵتەنەکە بن:

زیاتر بخوێنەوە

11:29

تەقەکردن لە ترەمپ ئەمریکییەکانی حەپەساندووە

تەقەکردن لە ترەمپ

تەقەکردن لە سەرۆکی پێشووی ئەمریکا لە ویلایەتی پێنسلڤانیا، ئەمریکییەکانی حەپەساندووە.

تەقەکەرەکە لە باڵەخانەیەکی بەرزەوە کە بەسەر شوێنی بانگەشەی هەڵبژاردنەکەدا دەیڕوانی، تەقەی کردووە، هەر زووش لەلایەن هێزە تایبەتەکانەوە کوژرا.

شایەتحاڵێک دەڵێ "سەرەتا وامزانی یاریی ئاگرینە، بەڵام دواتر بینیم کەسێک لە نزیکم هاوار دەکات و دەڵێ هاوڕێیەکی بریندارە، منیش خۆم وەک کارمەندێکی تەندروستی ناساند تاوەکو هاوکاریان بکەم؛ بریندارەکە گوللە بە سەری کەوتبوو و لە دۆخێکی خراپدا بوو؛ هەندێک چارەسەرم کرد و دواتر بە هێلیکۆپتەر گوێزرایەوە."

تەقەکەرەکە کوڕێکی تەمەن 20 ساڵ بوو و لە کاتی تەقەکردنەکەشدا تەنیا 140 مەتر لە ترەمپەوە دوور بووە، نزیکەی 6 تاوەکو 8 گوللەی تەقاندووە.

زیاتر بخوێنەوە

10:38

سەرۆک و سەرکردەکانی جیهان هاوسۆزی بۆ ترەمپ دەردەبڕن

دۆناڵد ترەمپ دوای برینداربوونی، وێنە: AFP

سەرۆک و سەرکردەکانی جیهان هاوسۆزیی خۆیان بۆ دۆناڵد ترەمپ دەردەبڕن کە بەرەبەیانیی ئەمڕۆ (بەکاتی هەولێر) تەقەی لێکرا و بەهۆیەوەیە 'گوێی بریندار بوو."

ئیمانوێل ماکرۆن، سەرۆککۆماری فەرەنسا لەبارەی رووداوی تەقەکردن لە دۆناڵد ترەمپ رایگەیاند "ئەمە تراجیدیایە بۆ دیموکراسیمان. فەرەنسا هاوبەشی شۆک و نیگەرانیی خەڵکی ئەمریکایە."

هەروەها جۆرجیا میلۆنی، سەرۆکوەزیرانی ئیتاڵیا هاوسۆزیی خۆی بۆ ترەمپ دەردەبڕێت و سەرکۆنەی هەوڵی کوشتنی دەکات.

زیاتر بخوێنەوە

10:17

وێنەی ساتی تێپەڕبوونی گوللـەیەک بە تەنیشت ترەمپەوە

وێنە: دۆج میڵز، نیویۆرک تایمز

زیاتر بخوێنەوە

09:40

ئێف بی ئای ناسنامەی ئەو کەسە ئاشکرا دەکات کە تەقەی لە ترەمپ کرد

رووداو

نووسینگەی فیدراڵیی لێکۆڵینەوەی ئەمریکا (FBI) ناسنامەی ئەو کەسەی ئاشکرا کرد کە تەقەی لە دۆناڵد ترەمپ، سەرۆکی پێشووی ئەو وڵاتە کردووە.

بەگوێرەی FBI، کەسەکە ناوی تۆماس ماتیو کرووکس ـە، تەمەنی 20 ساڵ و خەڵکی پەنسیلڤانیایە.

FBI لە راگەیێندراوێکدا دەڵێت "FBI بۆی دەرکەوت تۆماس ماتیو کرووکس، تەمەن 20 ساڵ، خەڵکی بێتل پارکی ویلایەتی پەنسیلڤانیا، 13 تەممووز هەوڵی تیرۆرکردنی دۆناڵد ترەمپ، سەرۆکی پێشووی داوە لە ناوچەی بەتلەری پەنسیلڤانیا."

زیاتر بخوێنەوە

09:13

کێن ئەو سەرۆکانەی ئەمریکا کە تیرۆر کراون یانیش هەوڵی تیرۆرکردنیان دراوە؟

ئەو چوار سەرۆکەی ئەمریکا کە تیرۆر کراون؛ لە سەرەوە (لای راست) ئەبراهام لینکۆڵن و جەیمس گارفیڵد (لای چەپ). لە خوارەوە ولیام مککینلی (لای راست) و جۆن ئێف کەنەدی (لای چەپ)

لە مێژووی ویلایەتە یەکگرتووەکانی ئەمریکادا 4 سەرۆک کوژراون و هەوڵی کوشتنی چەندین سەرۆکی دیکە، سەرۆکی پێشوو و بەربژێرانی سەرۆکایەتیش دراوە.

کوژرانی 4 سەرۆک لە مێژووی ئەمریکادا

ئەبراهام لینکۆڵن یەکەمین سەرۆکی ئەمریکا بوو تیرۆر بکرێت. لینکنی 16ـیەمین سەرۆکی ئەمریکا لە 14-4-1865 لە شانۆی فۆرد لە واشنتن دی سی تەقەی لێکرا و کوژرا.

ئەو کەسەی تەقەی لە لینکن کرد ئەکتەرێکی ئەو شانۆیە بوو ئەو شەوە نمایش دەکرا بەناوی جۆن بوس. تەقەکەر لە شوێنەکە هەڵات، بەڵام 12 رۆژ دواتر لە ڤێرجینیا بینرا و تەقەی لێکرا و کوژرا.

جۆن بوس پاڵپشتیکارێکی ویلایەتە کۆنفیدراڵییەکانی ئەمریکا بوو کە 11 ویلایەت بوون و لە کاتی شەڕی نێوخۆیشدا هۆشدارییان دابووە حکومەت. بوس و چەند هاوکارەکەی ئامادەبوون هەر کارێک بکەن لەدەستیان بێت بەمەبەستی سەرخستنی ئەو پلانەی ویلایەتە کۆنفیدراڵییەکان هەیانبوو، لەوانەش رفاندنی لینکن، بەڵام دواتر پلانەکەیان بۆ کوشتنی گۆڕی.

جەیمس گارفیڵدی 20ـەمین سەرۆکی ئەمریکا لە 2ـی تەمموزی 1881 لە وێستگەیەکی شەمەندەفەر لە واشنتن دی سی تەقەی لێکرا و لە ئەیلوولی هەمان ساڵ بەهۆی کاریگەریی برینەکەیەوە گیانی لەدەستدا.

گارفیڵد تەنیا 4 مانگ بوو وەک سەرۆکی ئەمریکا دەستبەکارببوو و ئەو کەسەش تەقەی لێکرد ناوی چارلس گیتو بوو.

گیتو توڕەبوو لەوەی لە ئیدارەکەی گارفیڵدا هیچ پۆستێکی پێنەدرابوو، چونکە پێی وابوو ئەو کارەی ئەو بۆ پارتەکەی کردووە هۆکار بووە بۆ ئەوەی گارفیڵد بتوانێت لە هەڵبژاردنی سەرۆکایەتییدا سەرکەوتن بەدەستبێنێت، ئەوە لە کاتێکدایە تەنیا چەند جارێک بۆ ژمارەیەکی کەم کەس لە نیویۆرک قسەی کردبوو. گیتو دەستگیرکرا و دوای دادگاییکردنی لەسێدارەدرا.

وڵیەم مکینلی 25ـەمین سەرۆکی ئەمریکا لە 6ی ئەیلوولی ساڵی 1901 لە شاری بەفڵۆی ویلایەتی نیویۆرک تەقەی لێکرا و 6 رۆژ دواتر بەهۆی کاریگەریی برینەکەیەوە گیانی لەدەستدا.

ئەو کەسەی تەقەی لە مکینلی کرد هاووڵاتییەک بوو بەناوی لیۆن چۆڵگۆز و رۆژی 29-10-1901 لە نیویۆرک کوژرا.

دوایین وشەکانی چۆڵگوز ئەمانە بوون "سەرۆکم کوشت، چونکە دوژمنی خەڵکە باشەکە بوو؛ ئەو خەڵکەی کە چینی کرێکارە. پەشیمان نیم لەو تاوانەی کردوومە."

جۆن کەنەدی 35ـەمین سەرۆکی ئەمریکا لە 2-11-1963 لە شاری داڵاسی ویلایەتی تێکساسی ئەمریکا تەقەی لێکرا و کوژرا. کەسی تەقەکار ناوی لی هارڤی ئۆزۆڵد بوو و چەند رۆژێک دوای تەقەکردنەکە دەستگیرکرا و دواتر لە 24-11-1963ـدا لە لایەن هاووڵاتییەک بەناوی جاک روبی لە ژێر زەوی بنکەی پۆلیسی تێکساسدا کوژرا.

روبی دەستگیرکرا و سزای مەرگی بەسەردا سەپێندرا، بەڵام دواتر تانە لە بڕیارەکە درا و سزاکەی هەڵوەشێندرایەوە و بڕیاردرا دادگەیی بکرێتەوە. روبی تووشی نەخۆشی بوو و دواتریش گیانی لەدەستدا.

ساڵی 1964 لیژنەی لێکۆڵینەوە لە کوشتنی کەنەدی بڵاویکردەوە، روبی لەو کارەدا تەنیا بووە، بەڵام ژمارەیەک رەخنەگر پێیان وایە روبی بەشێک بوو لە پیلانگێڕییەک کە تاوەکو ئێستا وردەکارییەکەی ئاشکرا نەکراوە.

چەندین سەرۆکی دیکەی ئەمریکاش تەقەیان لێکراوە، لەوانەش باراک ئۆباما لە ساڵی 2011، رۆناڵد ریگن لە ساڵی 1981 و جیراڵد فۆرد لە ساڵی 1975.

ئەو سەرۆکانەی ئەمریکا کە پێشتر لە هەوڵی تیرۆرکردن رزگاریان بووە:

- ئەندرۆ جاکسن، حەوتەمین سەرۆکی ئەمریکا لە ساڵی 1835

- تیۆدۆر رووزڤێڵت، 26ـەمین سەرۆکی ئەمریکا لە ساڵی 1912

- فرانکلین رووزڤێڵت، 32ـەمین سەرۆکی ئەمریکا لە ساڵی 1933

- هاری ترومان، 33ـەمین سەرۆکی ئەمریکا لە ساڵی 1950

- جیراڵد فۆرد، 38ـەمین سەرۆکی ئەمریکا لە ساڵی 1975

- رۆناڵد ریگن، 40ـەمین سەرۆکی ئەمریکا لە ساڵی 1981

- باراک ئۆباما، 44ـەمین سەرۆکی ئەمریکا لە ساڵی 2011

زیاتر بخوێنەوە

07:28

FBI: هێرشەکەی سەر ترەمپ هەوڵی تیرۆرکردن بوو

رووداو

نووسینگەی لێکۆڵینەوەی فیدراڵیی ئەمریکا - FBI پشتڕاستی دەکاتەوە کە ئەوەی بەرامبەر ترەمپ کرا هەوڵی تیرۆرکردن بووە.

زیاتر بخوێنەوە

06:25

دووریی تەقەکەرەکە لە ترەمپ

رووداو

بەگوێرەی میدیای ئەمریکی، تەقەکەرەکە 137 مەتر لە ترەمپەوە دوور بووە. هێزی پاراستنی تایبەتی ئەمریکاش لە دووریی 134 مەتر بە نیشانەشکێن تەقەکەرەکەی پێکاوە.

زیاتر بخوێنەوە

06:05

بایدن و ترەمپ بە تەلەفۆن قسەیان لەگەڵ یەکدی کرد

رووداو

رووداو دیجیتاڵ

کۆشکی سپی دەڵێت، جۆ بایدن و دۆناڵد ترەمپ بە تەلەفۆن لەگەڵ یەکدی قسەیان کردووە، ئەوەش دوای ئەوەی بەربژێرەکەی پارتی کۆماری نەخۆشخانەی جێهێشت.

کۆشکی سپی لە راگەیێندراوێکدا دەڵێت، جۆ بایدن، سەرۆکی ئەمریکا قسەی لەگەڵ دۆناڵد ترەمپ، بەربژێری پارتی کۆماری کردووە و ئەویش دوایین زانیاری لەبارەی دۆخی تەندروستیی خۆی پێ راگەیاندووە.

کۆشکی سپی وردەکاریی زیاتری نەدرکاندووە، بەڵام ئاماژەی بەوەشکردووە، دەزگا ئەمنییەکان بەردەوام دوایین زانیاری لەبارەی رووداوەکە دەدەنە سەرۆکی ئەمریکا.

قسەکردنی ئەو دوو بەربژێرە لەکاتێکدایە، لەماوەی هەڵمەتی هەڵبژاردنی سەرۆکایەتی ئەمریکادا هەردووکیان هێرشی تووندیان کردووەتە سەر یەکدی، بەڵام هەر زوو دوای هێرشەکە بایدن رایگەیاند، هەوڵی داوە قسە لەگەڵ ترەمپ بکات، بەڵام سەرۆکی پێشووی ئەمریکا لای پزیشک بووە.

هاوکات مێریک گارلاند، وەزیری دادی ئەمریکا رایگەیاند، ئەو یەکەم کەس بووە کە زانیاریی سەرەتایی لەبارەی رووداوی تەقەکردنەکە بە بایدن داوە.

گارلاند گوتیشی، "چاوپۆشی لە هیچ کارێکی تووندوتیژی ناکەین و ئەو هێرشەی کرایە سەر دۆناڵد ترەمپ هێرش بوو بۆ سەر دیموکراسییەکەمان. وەزارەتی داد هەموو ئامرازێکی بەردەستی بەکاردەهێنێت لە لێکۆڵینەوەکانی ئەو رووداوە."

دەوروبەری کاژێر 6:15ی رۆژی 13-7-2024 (بە کاتی پێنسلڤانیا) (کاژێر 1:15ی بەرەبەیانی رۆژی 14-7-2024 بە کاتی هەولێر) کەسێک لە ویلایەتی پێنسلڤانیای ئەمریکا تەقەی کرد و دۆناڵد ترەمپ بریندار بوو، ئەوەش کاتێك بەربژێرەکەی کۆمارییەکان سەرقاڵی بانگەشەی هەڵبژاردن بوو.

زیاتر بخوێنەوە

05:40

جۆ بایدن: پێویستە هەموو لایەک تەقەکردن لە ترەمپ سەرکۆنە بکات

جۆ بایدن، سەرۆکی ئەمریکا.

جۆ بایدن تەقەکردن لە دۆناڵد ترەمپ سەرکۆنە دەکات و دەڵێت، ئەوەی لە ویلایەتی پێنسلڤانیا روویدا یەکێکە لەو هۆکارانەی بیری هەموو لایەک دەهێنێتەوە کە دەبێت یەکگرتوو بن.

نزیکەی دوو کاژێر دوای تەقەکردن لە دۆناڵد ترەمپی بەربژێری پارتی کۆماری بۆ هەڵبژاردنی سەرۆکایەتیی داهاتووی ئەمریکا، جۆ بایدنی سەرۆکی ئەو وڵاتە گوتارێکی کورتی پێشکێش کرد و تێیدا سەرکۆنەی تەقەکردنەکەی لە ترەمپ کرد و گوتی، "ئەم جۆرە تووندوتیژییە لەنێو ئەمریکادا جێگەی نابێتەوە".

بایدن هەروەها گوتی، تەقەکردن لە دۆناڵد ترەمپ "قێزەونە و هەر ئەوەش یەکێکە لەو هۆکارانەی کە دەبێت ئەم وڵاتە یەکبخەین. ناکرێت رێگە بەم جۆرە رووداوانە بدەین. ناکرێت بەم جۆرە بین. ناکرێت ئەم جۆرە کارە قبووڵ بکەین".

سەرۆکی ئەمریکا رایگەیاند، هەوڵی داوە لەگەڵ دۆناڵد ترەمپ قسە بکات، بەڵام ترەمپ لای پزیشکەکان بووە و ئومێدیشی خواست کە زوو بتوانێت قسەی لەگەڵ بکات.

جۆ بایدن ئاماژەی بەوەشکرد، "دەبوایە بانگەشەکەی هەڵبژاردنی دۆناڵد ترەمپ ئاشتییانە و بێ هیچ جۆرە کێشەیەک بەڕێوە بچووایە. هەبوونی تووندوتیژی سیاسی یان تووندوتیژی لەم جۆرە لە ئەمریکادا گونجاو نییە و پێویستە هەموو لایەک سەرکۆنەی بکات".

سەرۆکی ئەمریکا رایگەیاند، "هەموو ئاژانسەکان لە حکومەتی فیدراڵی" سەرقاڵی لێکۆڵینەوەن و بەردەوام زانیاری پێدەدەن.

رۆژی شەممە کاژێر 6:15ی ئێوارە بە کاتی پێنسلڤانیا (1:15ی بەرەبەیانی رۆژی یەکشەممە بە کاتی هەولێر) لە شاری بەتڵەری ویلایەتی پێنسلڤانیا تەقە لە دۆناڵد ترەمپ کرا، ئەوەش کاتێك سەرقاڵی بانگەشەی هەڵبژاردن بوو و برینداربوو.

زیاتر بخوێنەوە

05:30

لیژنەی نیشتمانیی کۆمارییەکان: کۆنگرەی پارتەکەمان لە کات و شوێنی خۆیدا بەڕێوەدەچێت

وێنەیەکی پێشووتری کۆنگرەی کۆمارییەکانی ئەمریکا

رووداو دیجیتاڵ

تیمی بانگەشەی هەڵبژاردنی دۆناڵد ترەمپ و لیژنەی نیشتمانیی کۆمارییەکان دەڵێن، کۆنگرەی پارتی کۆماری لە کات و شوێنی خۆیدا بەڕێوەدەچێت.

نزیکەی سێ کاژێر دوای تەقەکردنەی ویلایەتی پێنسلڤانیا، سوزی وایڵز و کریس لاسیڤیتا، راوێژکارانی بانگەشەی دۆناڵد ترەمپ و مایکڵ واتلی، سەرۆکی لیژنەی نیشتمانیی کۆمارییەکان راگەیێندراوێکیان بڵاوکردەوە و تێیدا هاتووە، "سەرۆک ترەمپ چاوی لەوەیە لە شاری میلوۆکی لەگەڵ ئێوە بێت، ئەوەش کاتێک کۆنگرەکەمان بەڕێوەدەبەین بۆ ئەوەی سەرۆک ترەمپ بەربژێر بکەین بۆ بوون بە 47ـەمین سەرۆکی ویلایەتە یەکگرتووەکان".

بڕیارە رۆژی دووشەممە 15-7-2024 کۆنگرەی نیشتمانیی پارتی کۆماریی ئەمریکا لە شاری میلوۆکی لە ویلایەتی ویسکۆنسن دەستپێبکات.

کۆنگرەکە بۆ ماوەی چوار رۆژ بەردەوام دەبێت و تێیدا دۆناڵد ترەمپ وەک بەربژێری فەرمیی کۆمارییەکان بۆ هەڵبژاردنی سەرۆکایەتیی ئەمریکا و کەسێکیش وەک جێگری دیاری دەکرێن.

دۆناڵد ترەمپ لە هەڵبژاردنە نێوخۆییەکانی پارتەکەیدا پشتگیری 2268 نوێنەری ویلایەتەکانی بەدەستهێنا، ئەوە لە کاتێکدایە تەنیا پشتگیری 1215 نوێنەر پێویست بوو بۆ ئەوەی ببێتە بەربژێری کۆمارییەکان.

تاوەکو ئێستا ترەمپ بەربژێری خۆی بۆ جێگرەکەی ئاشکرا نەکردووە، بەڵام چەند ناوێک دەهێندرێن، وەک تیم سکۆت، جەی دی ڤانس و مارکۆ روبیۆی ئەندامانی کۆنگرێس و دەگ بێرگمی حاکمی ویلایەتی داکۆتای باکوور.

ئەم راگەیێندراوە لە کاتێکدایە، دەوروبەری کاژێر 6:15ی رۆژی 13-7-2024 (بە کاتی پێنسلڤانیا) (کاژێر 1:15ی بەرەبەیانی رۆژی 14-7-2024 بە کاتی هەولێر) کەسێک لە ویلایەتی پێنسلڤانیای ئەمریکا تەقەی کرد و دۆناڵد ترەمپ بریندار بوو، ئەوەش کاتێك بەربژێرەکەی کۆمارییەکان سەرقاڵی بانگەشەی هەڵبژاردن بوو.

زیاتر بخوێنەوە

05:10

کۆشکی سپی: بایدن دەگەڕێتەوە واشنتن

کۆشکی سپیی ئەمریکا. وێنە: AFP

کۆشکی سپی دەڵێت، لەدوای رووداوی تەقەکردن لە دۆناڵد ترەمپ، جۆ بایدن لە ویلایەتی دێلاوێرەوە دەگەڕێتەوە واشنتن

زیاتر بخوێنەوە

05:05

هێزی تایبەتی پاراستنی ئەمریکا: لە رووداوەکەی پێنسلڤانیادا هاووڵاتییەک کوژراوە و دوو هاووڵاتی دیکەش بە سەختی برینداربوون

تەرمی تەقەکەرەکە کە لەلایەن هێزی تایبەتی پاراستنی ئەمریکا

رووداو دیجیتاڵ

هێزی تایبەتی پاراستنی ئەمریکا دەڵێت، لە رووداوی تەقەکردنەکەی بانگەشەی هەڵبژاردنی دۆناڵد ترەمپدا هاووڵاتییەک کوژراوە و دوو هاووڵاتیی دیکەش بە سەختی بریندار بوون.

نزیکەی دوو کاژێر دوای رووداوی تەقەکردنەکە، ئەنتۆنی گوگلیامی، بەرپرسی پەیوەندییەکان لە هێزی تایبەتی پاراستنی ئەمریکا لە راگەیێندراوێکدا گوتی، دەوروبەری کاژێر 6:15ی رۆژی 13-7-2024 (بە کاتی پێنسلڤانیا) (کاژێر 1:15ی بەرەبەیانی رۆژی 14-7-2024 بە کاتی هەولێر) تەقەکەرێک لە ناوچەیەکەوە کە بەسەر شوێنی بانگەشەی دۆناڵد ترەمپدا دەیڕوانی چەند گوللەیەکی بە ئاراستەی ئەو سەکۆیە تەقاند کە ترەمپ لەسەری وەستابوو و گوتاری لێیەوە پێشکێش دەکرد.

ئەنتۆنی گوگلیامی دەڵێت، هێزی تایبەتی پاراستنی ئەمریکا تەقەکەرەکەیان کوشت و هەر زووش رێکاری پاراستنیان گرتەبەر.

گوگلیامی ئاماژە بەوە دەکات، لە ئەنجامی تەقەکردنەکەدا یەکێک لە بەشداربووانی بانگەشەکە کوژرا و دوو کەسی دیکە برینداربوون و لێکۆڵینەوەکانیش بەردەوامن.

دۆناڵد ترەمپیش لە راگەیێندراوێکدا لەبارەی دۆخی خۆی قسەی کرد و گوتی، لە رووداوەکەدا گوللەیەک بەر بەشی سەرەوەی گوێی راستی کەوتووە و خوێنێکی زۆری لێ رۆیشتووە.

زیاتر بخوێنەوە

04:30

وەزیری بەرگریی ئەمریکا: سەرکۆنەی تەقەکردن لە ترەمپ دەکەین

رووداو

لۆید ئۆستن، وەزیری بەرگریی ئەمریکا: سەرکۆنەی ئەم تووندوتیژییە دەکەین. ئەم رووداوە لە دیموکراسیماندا جێگەی نابێتەوە

زیاتر بخوێنەوە

04:01

ترەمپ: گوللەیەک بەر بەشی سەرەوەی گوێی راستم کەوتووە

بەپەلە

دۆناڵد ترەمپ سوپاسی هێزە ئەمنییەکانی وڵاتەکەی دەکات لە بەرامبەر پاراستنی ژیانی و نیگەرانیشە لەوەی رووداوی لەو جۆرە لە ویلایەتە یەکگرتووەکانی ئەمریکا روودەدات.

نزیکەی دوو کاژێر و نیو دوای تەقەکردن لێی، دۆناڵد ترەمپ، بەربژێری پارتی کۆماری بۆ پۆستی سەرۆکایەتیی ئەمریکا پەیامێکی لەبارەی رووداوەکە بڵاوکردەوە و تێیدا سوپاسی هێزە ئەمنییەکانی وڵاتەکەی کرد لە بەرامبەر ئەو کاردانەوەی خێرایەی دوای تەقەکردنەکە لێی هەیانبوو.

ترەمپ لە بەشێکی دیکەی پەیامەکەیدا دەڵێت، جێگەی سەرسوڕمانە کە "کاری لەو جۆرە لە وڵاتەکەماندا روودەدات. تاوەکو ئێستا هیچ شتێک لەبارەی تەقەکەرەکە نازانرێت کە مردووە".

بەربژێرەکەی پارتی کۆماری دەنووسێت، گوللەیەک بەر بەشی سەرەوەی گوێی راستی کەوتووە و خوێنێکی زۆری لێ رۆیشتووە.

رۆژی شەممە دەوروبەری کاژێر 6:30ی ئێوارە بە کاتی پێنسلڤانیا (1:30ی بەرەبەیانی رۆژی یەکشەممە بە کاتی هەولێر) لە شاری بەتڵەری ویلایەتی پێنسلڤانیا تەقە لە دۆناڵد ترەمپ کرا، ئەوەش کاتێك سەرقاڵی بانگەشەی هەڵبژاردن بوو و برینداربوو.

زیاتر بخوێنەوە

03:45

چەند سەرچاوەیەکی ئەمنی: تەقەکەرەکە لەسەر باڵەخانەیەکەوە تەقەی لە ترەمپ کردووە

هێزێکی ئەمنیی ویلایەتی پێنسلڤانیا لە شوێنی رووداوەکە

رووداو دیجیتاڵ

دۆناڵد ترەمپ لە دەرەوەی شوێنی بەڕێوەچوونی بانگەشەی هەڵبژاردنەکەوە تەقەی لێکراوە و زانیارییە سەرەتاییەکانیش باس لەوە دەکەن، تەقەکەرەکە نیشانشکێنی پێبووە.

لێکۆڵینەوە لە تەقەکردنەکە لە دۆناڵد ترەمپ، سەرۆکی پێشووی ئەمریکا بەردەوامە و سێ سەرچاوەی ئەمنی دەڵێن، ئەنجامی سەرەتایی لێکۆڵینەوەکان ئەوە دەردەخەن کە تەقەکەرەکە لە دەرەوەی ئەو شوێنەوە تەقەی کردووە کە دۆناڵد ترەمپ بانگەشەی هەڵبژاردنی تێدا بەڕێوەبردووە.

دووان لەو سەرچاوانە زانیاریی زیاتریان دا و رایانگەیاند، تەقەکەرەکە لە سەر بانێک نزیک لە شوێنی بەڕێوەچوونی بانگەشەی هەڵبژاردنەکە بووە.

چەند سەرچاوەیەکی دیکەی ئەمنیش ئاماژەیان بەوە کرد، تەقەکەرەکە نیشانەشکێنی پێبووە.

بەرپرسانی شاری بەتڵەری پێنسلڤانیاش رایانگەیاند، سەرپەرشتیاری تیمی لێکۆڵینەوە لە رووداوەکە پێی راگەیاندوون کە تەقەکەرەکە لەسەر باڵەخانەیەکی نزیک لە شوێنی بانگەشەکە بووە و لەوێوە تەقەی کردووە.

رۆژی شەممە دەوروبەری کاژێر 6:30ی ئێوارە بە کاتی پێنسلڤانیا (1:30ی بەرەبەیانی رۆژی یەکشەممە بە کاتی هەولێر) لە شاری بەتڵەری ویلایەتی پێنسلڤانیا تەقە لە دۆناڵد ترەمپ کرا، ئەوەش کاتێك سەرقاڵی بانگەشەی هەڵبژاردن بوو و برینداربوو.

زیاتر بخوێنەوە

03:34

بە ڤیدیۆ؛ ئەو کەسەی تەقەی لە ترەمپ کرد

رووداو

بەرپرسانی ئەمریکا پێشتر رایانگەیاند، ئەو کەسەی تەقەی لە دۆناڵد ترەمپ کرد لەلایەن هێزە ئەمنییەکانەوە کوژرا. ئەمەی خوارەوە ڤیدیۆی دوای کوژرانییەتی. بەپێی ئەو گرتە ڤیدیۆیانەی بڵاوکراونەتەوە، تەقەکەرەکە لەسەر بانێکی نزیک لە کۆبوونەوەکە بووە و تەرمەکەی لەوێ ماوەتەوە

زیاتر بخوێنەوە

03:24

جۆ بایدن: ئەو جۆرە تووندوتیژییەی بەرامبەر ترەمپ کرا لەنێو ئەمریکادا جێگەی نابێتەوە

جۆ بایدن

رووداو دیجیتاڵ

بایدن خۆشحاڵە بەوەی دۆناڵد ترەمپ سەلامەتە و دەڵێت، ئەو جۆرە تووندوتیژییەی رۆژی شەممە لە ویلایەتی پێنسلڤانیا بەرامبەر سەرۆکی پێشووی ئەمریکا کرا لەو وڵاتەدا جێگەی نابێتەوە.

جۆ بایدن، سەرۆکی ئەمریکا لە نووسینێکدا لە تۆڕی کۆمەڵایەتیی فەیسبووک دەڵێت، "زانیارییم لەبارەی تەقەکردنەکە لە بانگەشەی هەڵبژاردنی دۆناڵد ترەمپ لە پێنسلڤانیا پێدرا".

بایدن باس لەوە دەکات، خۆشحاڵە کە دۆناڵد ترەمپ سەلامەتە و باری تدروستیی جێگیرە؛ ئاماژە بەوەش دەکات کە نزا دەکات بۆ "ترەمپ، خێزانەکەی و هەموو ئەوانەی لە بانگەشەکەدا بوون".

سەرۆکی ئەمریکا سوپاسی هێزە ئەمنییەکانی وڵاتەکەی دەکات کە ترەمپیان لە شوێنەکە دوورخستووەتەوە و دەڵێت، "ئەو جۆرە تووندوتیژییە لەنێو ئەمریکادا جێگەی نابێتەوە. پێویستە وەک یەک گەل ئەم تووندوتیژییە سەرکۆنە بکەین".

هەڵوێستەکەی بایدن نزیکەی کاژێر و نیوێک دوای ئەوە هات، دۆناڵد ترەمپ، بەربژێری پارتی کۆمارییەکان بۆ سەرۆکایەتیی ئەمریکا لە بانگەشەیەکدا لە ویلایەتی پێنسلڤانیا تەقەی لێکرا و برینداربوو.

زیاتر بخوێنەوە

03:01

باراک ئۆباما: نازانین چی روویداوە، بەڵام سوپاسگوزارین ترەمپ بە سەختی بریندار نەبووە

باراک ئۆباما، سەرۆکی پێشووتری ئەمریکا

باراک ئۆباما، سەرۆکی پێشووتری ئەمریکا لەدوای رووداوی هێرشەکە رایگەیاند: "هەرچەندە جارێ نازانین چی روویداوە، بەڵام دەبێت سوپاسگوزار بین کە دۆناڵد ترەمپ بە سەختی بریندار نەبووە. من و میشێڵ هیوای چابوونەوەی بەپەلەی بۆ دەخوازین." زیاتر بخوێنەوە

11:05