رووداو دیجیتاڵ
ئێوارەی ئەمڕۆ هەینی 30-7-2021 لە ناوچەی مەرامی شاری کۆنیا لە تورکیا، گرووپێکی چەکدار هێرشیان کردە سەر ماڵباتێکی کورد، حەوت ئەندامی خێزانەکەیان کوشت و خانووەکەیان سووتاند.
هێرشەکە کاژێر 06:30 خولەکی ئێوارەی ئەمڕۆ بووە، بەپێی زانیارییە سەرەتاییەکان، ژن و منداڵ لەنێو کوژراوەکاندا هەن.
ناوی ئەو کەسانەی کوژراون بەمشێوەیەیە: یاشار دەدەئۆغوڵڵاری، باڕش دەدەئۆغوڵڵاری، سەرپیل دەدەئۆغوڵڵاری، سێراپ دەدەئۆغوڵڵاری، ئیپەک دەدەئۆغوڵڵاری، مەتین دەدەئۆغوڵڵاری و سیبەل دەدەئۆغوڵڵاری.
پۆلیس دوای ئاگادارکردنەوەی دراوسێکانیان و پەیوەندیکردنیان بە هێزەکانی پۆلیسی پارێزگای کۆنیا بەبوونی تاوانی کوشتن، لەگەڵ تیمەکانی ئاگرکوژێنەوە و ژمارەیەک ئەمبوڵانس چوونە شوێنی رووداوەکە، دەرکەوت حەوت ئەندامی خێزانێک بەدەستڕێژی گوللـە کوژراون و تیمەکانی ئاگرکوژێنەوە بەخێرایی ئەو بەشەی خانووەکەیان کوژاندەوە، کە گومان دەکرێ بکوژەکان سووتاندبێتیان.
دواتر تیمەکانی تەندروستی تەرمی هەر حەوت ئەندامەکەی ئەو خێزانەیان گواستەوە دادپزیشکی کۆنیا.
12ـی ئەم مانگە گرووپێکی "تووندڕەو" هێرشیان کردە سەر هەمان خێزان و حەوت ئەندامی خێزانەکەیان بریندار کرد. ئەوکات بەشێک لەو گرووپە "تووندڕەوە" دەستگیرکران و دواتر پێنج کەسیان ئازادکران.
ئەو ماڵەی ئەوکات هێرشیان کردبووە سەر خێزانە کوردەکە، دراوسێی خۆیان بوون. ئەو خێزانە کوردە 24 ساڵ بوو لەو ناوچەیەی کۆنیا دەژیان.
ئەو ماڵەی ئەوکات هێرشیان کردبووە سەر خێزانە کوردەکە، دراوسێی خۆیان بوون. ئەو خێزانە کوردە 24 ساڵ بوو لەو ناوچەیەی کۆنیا دەژیان.
وێنەکانی ماڵی ئەو خێزانەی کە هێرشکراوەتەسەری. ئەو ئاگرەی لە ناوەوە لە خانووەکە بەردرابوو، کوژێندراوەتەوە.
Konya’da #Kürt aileye silahlı saldırı: 7 ölühttps://t.co/CBZEbHLRgy
— Rûdaw Türkçe (@RudawTurkce) July 30, 2021
Bugünkü katliamda hayatını kaybeden Karslı Yaşar Dedeoğulları, 12 Temmuz’da Rûdaw’a yaptığı konuşmada saldırganların kendilerine “Biz ülkücüyüz sizi burada yaşatmayacağız” dediğini söylemişti. pic.twitter.com/rDqCBRKmhL
