ئەنجوومەنی وەزیرانی عێراق بڕیاریدا دوو پێنجشەممە لە سەر یەك لەسەرجەم فەرمانگە حكومەییەكاندا پشوو بێت جگە لەوەزارەتەكانی تەندروستی و كارەبا نەبێت.
تەلەفزیۆنی ئەلعیراقییەی نیمچە فەرمی حكومەتی عێراق بڵاویكردەوە لە كۆبوونەوەی ئاسایی ژمارە 31ی ئەمڕۆ سێشەممە 23ی تەمموزی 2013، ئەنجوومەنی وەزیرانی عێراق بڕیایدرا هەردوو پێنجشەممەی داهاتوو (25ی تەمموز و 1ی ئاب) لە سەرجەم دامودەزگا حكومییەكان پشووی فەرمی بێت، جگە لە وەزارەت و فەرمانگەكانی تەندروستی و كارەبا نەبێت كە ئەم پشووە نایان گرێتەوە.
ساڵی رابردووش بە هەمانشێوە بەهۆی بەرزبوونەوەی پلەی گەرماو بە رۆژووبوونی هاووڵاتیان لە مانگی رەمەزاندا ئەو بڕیارە دەركرا، كە پلەی گەرما لە زۆربەی پارێزگاكانی عێراق دەگاتە نزیكەی 50 پلەی سەدی.
