رووداو دیجیتاڵ
وەزارەتی ناوخۆی عێراق دەڵێت، هەوڵی بەقاچاخ بردنە دەرەوەی 5 قاڵب زێڕیان پووچەڵ کردووەتەوە و ژن و پیاوێک وەکو تۆمەتبار دەستگیر کراون.
عەمید میقداد میری، گوتەبێژی وەزارەتی ناوخۆی عێراق رۆژی چوارشەممە 13-11-2024 بە تۆڕی میدیایی رووداوی گوت، دوێنێ لە فڕۆکەخانەی نێودەوڵەتیی بەغدا دەست بەسەر 5 قاڵبی زێڕدا گیرا.
گوتەبێژی وەزارەتی ناوخۆی عێراق گوتی، زێڕەکە بە ژن و پیاوێک بووە کە شاردبوویانەوە و دەیانویست بیبەنە دەرەوەی وڵات.
عەمید میقداد میری رایگەیاند، ژن و پیاوەکە لەلایەن هێزەکانی بەڕێوەبەرایەتیی ئاسایش و پاراستنی فڕۆکەخانەوە دەستگیر کراون و رێکاری یاساییان بەرامبەر دەگیرێتەبەر.
.jpg&w=3840&q=75)
