رووداو دیجیتاڵ
نووسینگەی گوتەبێژی پۆلیسی ئێران دوای دەستپێکردنی هێرشەکانی ئەمڕۆ بۆ سەر تاران و چەند شارێکی دیکەی ئەو وڵاتە رایگەیاند، دۆخەکە لەژێر کۆنترۆڵدایە.
ئەمڕۆ شەممە 28ی شوباتی 2026، نووسینگەی گوتەبێژی پۆلیسی ئێران راگەیێندراوێکی بڵاوکردەوە و رایگەیاند، دۆخەکە لە ژێر کۆنترۆڵدایە و هیچ هۆکارێک نییە بۆ نیگەرانی.
لە راگەیێندراوەکەدا داوا لە هاووڵاتییانی ئێرانیش کراوە، لە ئەگەری بیینینی هەر دۆخێکی گوماناوی، دەستبەجێ هێزەکانی پۆلیس ئاگادار بکەنەوە.
پۆلیسی ئێران هەروەها داوا لە هاووڵاتییان دەکات، ئارامی بپارێزن و هاوکاریی هێزەکانی پۆلیس و هێزە ئەمنییەکان بکەن.
