رووداو دیجیتاڵ
رۆژی دووشەممە، یەکەم زیارەتکاری عێراقی بۆ حەج لە شاری مەککە-ی سعودیە گیانی لەدەستدا.
بەگوێرەی راگەیێندراوی نێردەی حەجی عێراق، زیارەتکارەکە ناوی مەهدی لەتیف جاسمە لە دایکبوونی 1943ی پارێزگای بەغدایە. رۆژی دووشەممە لە نەخۆشخانەی مەلیک فەیسەڵ لە شاری مەککە بە جەڵتەی دڵ گیانی لەدەستداوە.
شاندی دەستەی حەج و عومرەی عێراق، رۆژی دووشەممە، 27- 05-2024، لە راگەیێندراوێکدا بڵاویکردەوە، تائێستا 18هەزار و 288 عێراقی لە رێگەی فڕۆکەخانەکانی عێراق و دەروازەی سنووری عەرعەر گەیشتوونەتە سعودیە.
دەستەی حەج و عومرەی عێراق دەڵێ، 11 هەزار و 232یان ئێستا لە شاری مەدینە و پێنج هەزار و 395ی دیکەیان گەیشتوونەتە شاری مەککە.
شاندی دەستەی حەج و عومرەی عێراق جەخت لەوە دەکاتەوە، پرۆسەکە لە رێگەی ئاسمانی و وشکانی بەشێوەیەکی ئاسایی بەردەوامە.
لە عێراق، 19 هەزار 145 کەس لە رێگەی فڕۆکەخانەکانی عێراق و هەرێمی کوردستان گەشتی حەج دەکەن. هەروەها 19هەزار و 145 کەسی دیکە، بە رێگەی وشکانی لە رێگەی دەروازە عەرعەر دەچنە حەج.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ