prev
next
رووداو دیجیتاڵ
پۆلیسی ئیسرائیل رایگەیاند، بەیانیی ئەمڕۆ چەکدارێک لە شاری حەیفای باکووری ئیسرائیل کەسێکی کوشتووە و یەکێکی دیکەی بریندارکردووە، دواتر هێرشکارەکە کوژراوە.
راگەیێندراوەکەی ئەمڕۆ (دووشەممە، 24-3-2025)ـی پۆلیسی ئیسرائیل دەڵێت، "تیرۆریستێک تەقەی لە خەڵکی سڤیل کرد و دەستبەجێ لە شوێنی رووداوەکە لە لایەن پۆلیسەوە کوژرا".
تیمە فریاگوزارییەکان دەڵێن، ئەو کەسەی لەلایەن هێرشکارەکەوە کوژراوە، پیاوێکی تەمەن 70 ساڵانە و ئەوەی برینداریشکراوە تەمەنی 20 ساڵە.
بە گوتەی پۆلیسی ئیسرائیل، هێرشکارەکە سەرەتا بە ئۆتۆمبێلەکەی پەلاماری چەند کەسێکی داوە کە لە شوێنی چاوەڕوانکردنی پاس وەستابوون، دواتر لە ئۆتۆمبێلەکەی دابەزیوە و تەقەی لێکردوون.
رادیۆی سوپای ئیسرائیلیش ئاماژە بەوە دەکات، هێرشکارەکە بە ئۆتۆمبێل لە کەسێکی داوە، دواتر دابەزیوە و بە چەقۆ کوشتوویەتی، پاشان تەقەی لە کەسێکی دیکە کردووە و برینداری کردووە.
پۆلیسی ئیسرائیل رووداوەکەی بە "تیرۆرستی" پۆلێنکرد و رایگەیاند، پێیانوایە پەیوەندیی بە جەنگی غەززەوە هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ