رووداو دیجیتاڵ
حکومەتی یەکگرتووی نیشتمانیی لیبیا دوو دیپلۆماتی میسری دەردەکات و 72 کاژێر مۆڵەتیان پێدەدات بۆ ئەوەی خاکی وڵاتەکە جێبهێڵن.
وەزارەتی دەرەوەی حکومەتی یەکگرتووی نیشتمانیی لیبیا رۆژی سێشەممە، 13-08-2024 رایگەیاند، دوو فەرمانبەری دیپلۆمات لە باڵیۆزخانەی میسر لە تەرابلوس، بەهۆی "کاری نەخوازراو" لەسەر خاکی لیبیا، لە وڵاتەکە دەردەکرێن.
وەزارەتی دەرەوەی حکومەتی یەکگرتووی نیشتمانیی لیبیا کە عەبدولحەمید دەبیبە سەرۆکایەتی دەکات، ئاماژەی بەوە کردووە، دوو دیپلۆماتەکان ناویان محەممەد شەربینی و محەممەد حوسنی-یە.
حکومەتی لیبیا 72 کاژێری بۆ ئەو دوو کەسە داناوە بۆ جێهشتنی خاکی لیبیا.
ئەو دوو دیپلۆماتە، یەکێکیان راوێژکار و ئەوی دیکەیان سکرتێری دووەمە لە باڵیۆزخانەی میسر. حکومەتی لیبیا وردەکاریی هۆکاری دەرکردنەکەیانی بڵاونەکردووەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ