رووداو دیجیتاڵ
سەرۆکی هەرێمی کوردستان و سەرۆکی دەوڵەتی ئیماراتی عەرەبیی یەکگرتوو جەخت لە گرنگیی چڕکردنەوەی هەوڵە دیپلۆماسییەکان بۆ هێورکردنەوەی دۆخەکە دەکەنەوە
رۆژی هەینی، 06-03-2026، نێچیرڤان بارزانی، سەرۆکی هەرێمی کوردستان پەیوەندییەکی تەلەفۆنی لە شێخ محەمەد بن زاید ئال نەهیان، سەرۆکی دەوڵەتی ئیماراتی عەرەبیی یەکگرتووهوه پێگەیشت.
سەرۆکایەتیی هەرێمی کوردستان لەبارەی نێوەڕۆکی پەیوەندییەکە رایگەیاند، دوایین ئاڵۆزییەکانی ناوچەکە و "لێکەوتە مەترسیدارەکانی شەڕ" تاوتوێ کران.
بەگوێرەی راگەیێندراوەکە، هەردوولا "نیگەرانیی قووڵیان بەرامبەر بە پەرەسەندنی شهڕ دەربڕی و جەختیان لە گرنگیی چڕکردنەوەی هەوڵە دیپلۆماسییەکان کردەوە بۆ هێورکردنەوەی دۆخەکە و پاراستنی ئارامی و سەقامگیری له ناوچەکەدا".
له تهوهرێكى ديكهدا، پهیوهندییهكانی ئیمارات لەگەڵ عێراق و هەرێمی کوردستان و برەودان بە هاوکاریی هاوبەش لە بوارە جیاوازەکاندا گفتوگۆیان لەسەر کرا. هەردوولا داکۆکییان لە پتەوکردنی زیاتری پەیوەندیی مێژوویی و دۆستانەی نێوانیان کردەوە. ئەمە بەگوێرەی سەرۆکایەتیی هەرێمی کوردستان.
لە راگەیێندراوەکەدا هاتووە، نێچیرڤان بارزانی "سوپاسی هاوكارى و يارمهتييهكانى ئیماراتی بۆ عێراق و ههرێمى كوردستان کرد و هیوای ئارامى و پێشکەوتنی بەردەوامی بۆ گەل و دەوڵەتی ئیمارات خواست".
.jpg&w=3840&q=75)
