رووداو دیجیتاڵ
دوای حەوت رۆژ لە ونبوونی و نەمانی پەیوەندی لەگەڵ ماڵباتەکەی، تەرمی کچێکی گەنجی خەڵکی شاری کۆبانیی رۆژئاوای کوردستان بە ناوی یاسەمین شوکری، لە دارستانەکانی بولگاریا دۆزرایەوە.
بە پێی زانیاریی سەرچاوە خۆجێیەکانی رۆژئاوای کوردستان، تەرمی یاسەمین شوکری، کچە کوردەکەی خەڵکی کۆبانی رۆژی 28ی کانوونی یەکەمی 2023، لە ناو بەفری دارستانەکانی وڵاتی بولگاریا دۆزراوەتەوە.
دۆزینەوەی تەرمی ئەو کچە گەنجە کوردە دوای ئەوە هات کە حەوت رۆژ بەسەر ونبوونی و نەمانی پەیوەندیی لەگەڵ ماڵباتەکەی تێپەر ببوو.
بەپێی زانیارییەکان، یاسەمین شوکری لە کۆبانی چووبووە تورکیا و لەوێ خۆی گەیاندووە بولگاریا بۆ ئەوەی بچێتە ئەوروپا، بەڵام لە نێو دارستانەکانی بولگاریا لە هاوڕێیانی دادەبڕێت و وون دەبێت.
ئەو کچەی خەڵکی کۆبانی دوای ئەوەی لە نێو دارستانەکانی بولگاریا ون دەبێت، لە سەرمادا رەق دەبێتەوە و گیانی لەدەستدەدات.
لە مانگی کانوونی یەکەمی 2023، سێ کەسی خەڵکی سووریا و رۆژئاوای کوردستان لە نێو دارستانەکانی بولگاریا گیانیان لەدەستداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ