رووداو دیجیتاڵ
لە رووداوێکی هاتووچۆدا لە پارێزگای کرماشانی رۆژهەڵاتی کوردستان دوو هاونیشتمانی گیانیان لەدەستدا.
رووداوەکە ئێوارەی دوێنێ لە رێگەی سەرەکیی نێوان هەرسین - کرماشان روویدا.
ئۆتۆمبێلێکی تایبەت لە جۆری پراید لە رێرەوی خۆی دەرچوو و وەڕگەڕا و بەو هۆیەوە هاونیشتیمانییەک دەستبەجێ گیانی لەدەستدا.
هەر لە رووداوەکەدا هاونیشتمانییەکی دیکە برینداربوو و دوای گواستنەوەی بۆ نەخۆشخانە، بەهۆی سەختیی برینەکانییەوە گیانی لەدەستدا.
رۆژی 16-09-2024، بێهتاش خانی ئاباد، بەڕێوەبەری گشتیی دادپزیشکیی پارێزگای کرماشان رایگەیاند، لە 21-03-2024 تاوەکو 21-08-2024 لە سنووری ئەو پارێزگایە 226 کەس بە رووداوی هاتووچۆ گیانیان لەدەستداوە و 4 هەزار و 859 کەسیش بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ