یادی مەولوودی پێغەمبەر لە سلێمانی

رووداو - سلێمانی

هاوشێوەی شار و شارۆچکەکانی دیکەی کوردستان، لە شاری سلێمانیش یادی لەدایکبوونی پێغەمبەری ئیسلام محەممەد (دروودی خوای لەسەر بێت) کرایەوە.

موسڵمانان بە ئەنجامدانی سوننەتەکانی پێغەمبەر، دابەشکردنی شیرینی و خێری دیکە یادی مەولوودیان کردەوە.

لە مزگەوتی گەورەی سلێمانی نانی نیوەڕۆ ئامادەکرا و بەسەر ئەو کەسانەدا دابەشکرا کە روویانکردبوو مزگەوتەکە بۆ نوێژ و عیبادەت، یان کەسانی هەژار و کەمدەرامەتن.

بەشێک لە موسڵمانان سەردانی مەزاری کاک ئەحمەدی شێخ لەنێو مزگەوتی گەورە دەکەن و هەر لەوێش دەستی نزا و پاڕانەوە بەرزدەکەنەوە.