رووداو دیجیتاڵ
پۆلیسی سلێمانی دەڵێت، کەسکێکیان دەستگیرکردووە کە لە دادگەی كەتنی دەربەندیخان سزای دوو ساڵ زیندانیی ئامادەنەبوو (غیابی) بەسەریدا سەپێندراوە.
رۆژی دووشەممە، 18-12-2023، بەڕێوەبەرایەتیی گشتیی پۆلیسی سلێمانی رایگەیاند، "دوای ئەوەی زانیاری لەسەر تاوانبارێک گەیشتە دەستی مەفرەزەكانی بەشی پۆلیسی دەربەندیخان، لێكۆڵینەوەكان بۆ دۆزینەوە و دەستگیركردنی تاوانبار دەستیانپێكرد و سەرەنجام توانرا لەلایەن بنكەی پۆلیسی دەربەندیخانی سەربە بەشی پۆلیسی دەربەندیخانەوە دەستگیر بكرێت."
بەگوتەی پۆلیسی سلێمانی، ئەو تۆمەتبارە لەلایەن دادگای كەتنی دەربەندیخانەوە سزای دوو ساڵ زیندانی ئامادەنەبوو (غیابی) بەسەریدا سەپێندراوە و دەشڵێت، دوای لێكۆڵینەوەكان دەركەوتووە كە تۆمەتبار لە چەند بنكەیەكی تر و بە چەند مادەیەكی جیاواز فەرمانی گرتنی لەلایەن دادوەرەوە بۆ دەرچووە.
پۆلیسی سلێمانی دەڵێت، تۆمەتبار بە ناوی ( ئـ. ک. ح.)ـە و لەدایكبووی 1981ـە و ئێستا راگیراوە؛ دوای رێكارە یاساییەكان رەوانەی شوێنی داواكراو دەكرێت.
.jpg&w=3840&q=75)