باوک و کوڕێک لە شاری بۆکان کوژران

شەوی رابردوو لەسەر رێگەی بۆکان و گوندی یێنگیجە بە هۆکارێکی نادیار شەڕ لەنێوان سێ کەسدا دروستبوو.

لە ئەنجامی تەقەکردندا دوو کەس بە ناوەکانی ئیبراهیم محەممەدبەیگی و مەسعود محەممەدبەیگی، کە باوک و کوڕ بوون، کوژران.

دوای شەڕەکە بکوژ لە شوێنی رووداوەکە هەڵات.

ئەو دوو کەسەی کوژراون خەڵکی گوندی یێنگیجەی سەر بە شاری بۆکانن و هەردووکیان مامۆستا بوون.

هەر لەو بارەیەوە رەحیم جەهانبەخش، بەڕێوەبەری پۆلیسی پارێزگای ورمێ بریاریدا لێکۆڵینەوەی بەپەلە لە رووداوەکەوە بکرێت و بکوژ بە زووترین کات دەستبەسەربکرێت.

بە گوتەی رەحیم جەهانبەخش، زانیارییان لەسەر کەسی تۆمەتبار دەستکەوتووە و ناسنامەکەی دەستنیشان کراوە و هەوڵ دەدرێت زوو دەستگیری بکەن.