رووداو دیجیتاڵ
سەرچاوەیەک لە ئاسایشی سلێمانی بە رووداوی راگەیاند، بەگوێرەی زانیارییە سەرەتاییەکان لەنێو فڕۆکەخانەی کشتوکاڵیی عەربەت لە پارێزگای سلێمانی رووداوێک روویداوە، بەڵام نازانرێت تەقینەوە بووە یان یان هێرشی درۆنی.
بەگوێرەی ئەو ڤیدیۆیەی بۆ رووداو نێردراوە، هاونیشتمانییان گوێیان لە دەنگێکی بەهێز بووە.
بەگوێرەی زانیارییەکانی پەیامنێری رووداو، رووداوەکە گەورەبووە و ژمارەیەکی زۆر بریندار هەن، بریندارەکان بۆ نەخۆشخانەی پێشمەرگە لە سلێمانی گواستراونەتەوە.
ئێستا هێزە ئەمنییەکان، وەکو پەیامنێری رووداو دەڵێت، لە شوێنی رووداوەکەن و لێکۆڵینەوەکان دەستیان پێکردووە.
سەرچاوەکەی ئاسایش بە رووداوی گوت، شێوازی رووداوەکە روون نییە، بەڵام دەزانن شەش کەس لە هێزە ئەمنییەکان گیانیان لەدەستداوە و برینداربوون.
نزار جەزا، پەیامنێری رووداو چووەتە فڕۆکەخانەکە و دەڵێت، بەهۆی رووداوی نێو فڕۆکەخانەکە کابینەیەکی گەورە بەتەواوی تێکشکاوە.
لەبارەی رووداوەکەوە، تەندروستیی سلێمانی بە رووداوی گوت، ئەوان هەموو ئامادەکارییەکان کردووە، پێنج تیمییان ناردووە بۆ شوێنی رووداوەکە، هەریەکە لە نەخۆشخانەی شار و نەخۆشخانەی دەزگەی تەندروستیی پێشمەرگە بۆ وەرگرتنی بریندارەکان، لە ئامادەباشیدان.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ