رووداو دیجیتاڵ
قایمقامی قەڵادزێ دەڵێت، شەڕ لە نێوان هێزەکانی ئاسایش و باندێکی مادەی هۆشبەر روویدا، ئەندامێکی باندەکە بریندار بووە.
رۆژی پێنجشەممە، 17ی نیسانی 2025، بەکر بایز بە تۆڕی میدیایی رووداوی راگەیاند، "هێزەکانی ئاسایش ویستوویانە باندێکی مادەی هۆشبەر دەستگیر بکەن، بەڵام شەڕ لە نێوانیان روویداوە لەسەر رێگەی سەنگەسەر - ژاراوە، لە ئەنجامدا کەسێک بریندار بوو.
قایمقامی قەڵادزێ دەڵێت، دوو تۆمەتبار دەستگیرکراون، کە یەکێکیان بریندارەکەیە.
وەک بەکر بایز گوتی، لێکۆڵینەوە لەگەڵ دەستگیرکراوەکان دەستیپێکردووە و دەدرێنە دادگە، ئەگەر کەسی دیکەشیان لەگەڵدا بێت، هەوڵی دەستگیرکردنی ئەوانیش دەدرێت.
