رووداو دیجیتاڵ
لە قەزای بەردەڕەش، منداڵێکی سێ ساڵان دەکەوێتە ژێر ئۆتۆمبێلێک و بەهۆیەوە گیان لەدەستدەدات.
رووداوەکە کاژێر 12:20 خولەکی دوانیوەرۆی ئەمڕۆ شەممە لە کۆمەڵگەی بشیریان روویداوە. منداڵەکە ناوی لاڤە ئیبراهیمە و کەوتووەتە ژێر ئۆتۆمبێلی فرۆشتنی وردەواڵە و گیانی لەدەستداوە.
بەهزاد بۆتانی، مامی منداڵەکە بە تۆڕی میدیایی رووداوی گوت، "شۆفێرەکە خۆی رادەستی پۆلیس کردووە."
بەگوێرەی مامی منداڵەکە، "دوای ئەوەی تەرمی لاڤە رەوانەی دادپزیشکی هەولێر کراوە، لە گۆڕستانی بشیریان بەخاک سپێردراوە."
