رووداو دیجیتاڵ
بکوژى ئەو پۆلیسەى لە کەرکووک کوژرا، لە بەغدا دەسگیرکرا، هۆکارى کوشتنەکە "ناکۆکى پێشوو" بووە.
رۆژی 15ى ئادارى 2024، پۆلیسى کەرکووک رایگەیاند، ئەو کەسەیان دەستگیرکردووە کە کوڕى بەڕێوەبەرى پۆلیسی سلێمان بەگى کوشتووە.
پۆلیسی کەرکووک رایگەیاند، ئاژانسى هەواڵگرى و لێکۆڵینەوە فیدراڵییەکان و شانەى هەڵۆکان بە هاوکارى هەواڵگریى قەزاى خورماتوو لە بەغدا دەستگیرکراوە.
رۆژی 12ى ئادار، موعتەز عەبدولوەهاب، جگە لەوەى کارمەندى پۆلیس بوو کوڕى بەڕێوەبەرى پۆلیسی ناحیەى سلێمان بەگە بوو، لەلایەن چەکدارێکەوە لە کەرکووک کوژرا.
پۆلیسى کەرکووک رایگەیاند، لە دواى گەڕان و پشکنین توانیویانە تۆمەتبارەکە لە بەغدا دەستگیر بکەن.
ئەو تۆمەتبارە دانى بەوەدا ناوە، کە کوشتنى پۆلیسەکە بەهۆى ناکۆکیى پێشووى نێوانیانەوە بووە.
