رووداو دیجیتاڵ
گوتەبێژی دەزگای ئاسایشی هەرێمی کوردستان دەڵێ، بازرگانێکی کۆچبەری نایاسایی و 23 هاووڵاتیی سووریایی دەستگیرکراون.
رۆژی یەکشەممە، 14ـی ئەیلوولی 2025، عەقید سەلام عەبدولخالق، گوتەبێژی دەزگای ئاسایشی هەرێمی کوردستان (سلێمانی) بە تۆڕی میدیایی رووداوی راگەیاند: "شەوی 11 لەسەر 12ـی ئەیلوولی 2025، بازرگانێک و 19 کۆچبەری پیاو و 4 کۆچبەری ژن کە بە قاچاخ هاتبوونە هەرێمی کوردستان دەستگیرکران."
بەڕێوەبەرایەتیی ئاسایشی پارێزگای سلێمانی لە راگەیێندراوێکدا دەڵێ: "قاچاخچییەکە ناوی (ئ. ی. ع)ـە و خەڵکی هەرێمی کوردستانە؛ 23 کۆچبەرەکەش سووریایین."
لە راگەیێندراوەکەدا هاتووە، ئەو کەسانە "بە فەرمانی دادوەری لێکۆڵینەوەی ئاسایش راگیراون و بەپێی مادەی 39ـی یاسای مانەوە، لێکۆڵینەوە لە دۆسیەکانیان بەردەوامە."
10-09-2025، دەزگای ئاسایشی هەرێمی کوردستان (سلێمانی) دەستگیرکردنی باندێکی 7 کەسیی بازرگانیی کۆچبەری نایاسایی لە کاتی هێنانی 14 کۆچبەری نایاسایی بۆ هەرێمی کوردستان راگەیاند.
