رووداو- پیرمام
بەمەبەستی تاوتوێکردن و دەربڕینی هەڵوێستی پارتی دیموکراتی کوردستان لەبارەی دەستوور و پۆستی سەرۆکی هەرێمی کوردستان، سەرکردایەتی ئەو حیزبە لە شارۆچکەی پیرمام لە کۆبوونەوەدان.
پەیامنێری رووداو سەهین موفتی، لە پیرمام رایگەیاند، کۆبوونەوەکە بە ئامادەبوونی مەسعود بارزانی، سەرۆکی پارتی دیموکراتی کوردستان و نێچیرڤان بارزانی، جێگری سەرۆکی پارتی و سەرجەم ئەندامانی سەرکردایەتی پارتی دەستیپێکردووە.
پەیامنێری رووداو گوتی: لە کۆبوونەوەکەدا باس لە چەند تەوەرێک دەکرێت، لەوانە پرسی دەستووری هەرێمی کوردستان، ویلایەتی سەرۆکی هەرێمی کوردستان، شەڕی داعش و پەیوەندییەکانی نێوان هەولێر و بەغدا.
دوای کۆتاییهاتنی کۆبوونەوەکە، پارتی دیموکراتی کوردستان رایێگەندراوێک بڵاودەکاتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ