11-01-2020
22:54
عادل عەبدولمەهدی: کار بۆ هێورکردنەوەی عێراق دەکەین
کۆبوونەوەی عادل عەبدولمەهدی، سەرۆکوەزیرانی عێراق و بەرپرسانی یەکێتی
عادل عەبدولمەهدی، سەرۆکوەزیرانی کاربەڕێکەری عێراق رایگەیاند "کار بۆ هێورکردنەوەی عێراق دەکەین و دەمانەوێ عێراقێکی بەهێزمان هەبێ و بە بەهێزی کاروبارەکانی عێراق بەڕێوەببەین".
نووسینگەی سەرۆکوەزیرانی کاربەڕێکەری عێراق لە راگەیێندراوێکدا رایگەیاند "سەرۆکوەزیرانی عێراق ئەمڕۆ لە سلێمانی لەگەڵ کۆسرەت رەسوول عەلی، سەرۆکی ئەنجوومەنی سیاسیی یەکێتیی نیشتمانیی کوردستان و چەند ئەندامێکی یەکێتی کۆبووەوە".
لە راگەیێندراوەکەی نووسینگەی سەرۆکوەزیرانی کاربەڕێکەری عێراقدا هاتووە "لە کۆبوونەوەیەکی فراواندا هەردوولا پرسی ئەمنی و هەماهەنگی نێوان پێشمەرگە و هێزە ئەمنییەکان بۆ رێگرتن لە هەڕەشەی سەرهەڵدانەوەی داعش و بڕیاری کشاندنەوەی هێزە بیانییەکانیان لە عێراق تاوتوێ کرد، جەختیان کردەوە لەسەر بەهێزکردنی دەوڵەت و بڕیاری عێراق بۆ پاراستنی ئاسایش و سەروەریی نیشتمانی و رێگرتن لە دەستوەردان لە کاروباری ناوخۆیی و دوورخستنەوەی لە ململانێکان".
نووسینگەی سەرۆکوەزیرانی عێراق ئەوەی خستووەتەڕوو، عادل عەبدولمەهدی ئاماژەی بەوە کردووە کە مەبەستێکی سەردانەکەی رێکخستنی دەروازە سنوورییەکان و گومرگە لەگەڵ ئامادەکردنی بودجەیەکی گشتی لەسەر بنەمای دروست.
ئەمڕۆ شەممە 11-1-2020 عادل عەبدولمەهدی، سەرۆکوەزیرانی کاربەڕێکەری عێراق بە سەرۆکایەتیی شاندێکی باڵا گەیشتە هەرێمی کوردستان و لە فڕۆکەخانەی نێودەوڵەتی هەولێر لەلایەن نێچیرڤان بارزانی، سەرۆکی هەرێمی کوردستان پێشوازییان لێکرا و دواتر سەرۆکوەزیرانی عێراق بە یاوەریی شاندەکەی سەردانی سلێمانییان کرد و ئێوارەی ئەمڕۆ گەڕانەوە بۆ بەغدا.
زیاتر بخوێنەوە
نووسینگەی سەرۆکوەزیرانی کاربەڕێکەری عێراق لە راگەیێندراوێکدا رایگەیاند "سەرۆکوەزیرانی عێراق ئەمڕۆ لە سلێمانی لەگەڵ کۆسرەت رەسوول عەلی، سەرۆکی ئەنجوومەنی سیاسیی یەکێتیی نیشتمانیی کوردستان و چەند ئەندامێکی یەکێتی کۆبووەوە".
لە راگەیێندراوەکەی نووسینگەی سەرۆکوەزیرانی کاربەڕێکەری عێراقدا هاتووە "لە کۆبوونەوەیەکی فراواندا هەردوولا پرسی ئەمنی و هەماهەنگی نێوان پێشمەرگە و هێزە ئەمنییەکان بۆ رێگرتن لە هەڕەشەی سەرهەڵدانەوەی داعش و بڕیاری کشاندنەوەی هێزە بیانییەکانیان لە عێراق تاوتوێ کرد، جەختیان کردەوە لەسەر بەهێزکردنی دەوڵەت و بڕیاری عێراق بۆ پاراستنی ئاسایش و سەروەریی نیشتمانی و رێگرتن لە دەستوەردان لە کاروباری ناوخۆیی و دوورخستنەوەی لە ململانێکان".
نووسینگەی سەرۆکوەزیرانی عێراق ئەوەی خستووەتەڕوو، عادل عەبدولمەهدی ئاماژەی بەوە کردووە کە مەبەستێکی سەردانەکەی رێکخستنی دەروازە سنوورییەکان و گومرگە لەگەڵ ئامادەکردنی بودجەیەکی گشتی لەسەر بنەمای دروست.
ئەمڕۆ شەممە 11-1-2020 عادل عەبدولمەهدی، سەرۆکوەزیرانی کاربەڕێکەری عێراق بە سەرۆکایەتیی شاندێکی باڵا گەیشتە هەرێمی کوردستان و لە فڕۆکەخانەی نێودەوڵەتی هەولێر لەلایەن نێچیرڤان بارزانی، سەرۆکی هەرێمی کوردستان پێشوازییان لێکرا و دواتر سەرۆکوەزیرانی عێراق بە یاوەریی شاندەکەی سەردانی سلێمانییان کرد و ئێوارەی ئەمڕۆ گەڕانەوە بۆ بەغدا.
16:46
عادل عەبدولمەهدی: هاتووین بۆ هەرێمی کوردستان بۆئەوەی راوێژ لەسەر پەیوەندییەکانمان بکەین
کۆبوونەوەی عادل عەبدولمەهدی، سەرۆکوەزیرانی عێراق لەگەڵ نێچیرڤان بارزانی، سەرۆکی هەرێمی کوردستان. وێنە: AFP
نووسینگەی سەرۆکوەزیرانی عێراق راگەیێندراوێکی بڵاوکردەوە و تێیدا هاتووە، ئه‌مڕۆ شه‌ممه 11-1-2020 عادل عه‌بدولمه‌هدی، سه‌رۆكی ئه‌نجوومه‌نی وه‌زیران له‌میانی سه‌ردانه‌كه‌ی بۆ هه‌ولێر چاوی به نێچیرڤان بارزانی، سه‌رۆكی هه‌رێمی كوردستان كه‌وت.
لە راگەیێندراوەکەی نووسینگەی سەرۆکوەزیرانی عێراق هاتووە "سه‌رۆكوه‌زیران له دیداره‌كه‌دا جه‌ختیكرده‌وه، عێراق به سه‌رجه‌م رۆڵه‌كانییه‌وه له هه‌موو ناوچه‌كان به‌هێزه، به‌هێزیی هه‌رێمی كوردستانیش هێزه بۆ هه‌موو عێراق".
بەپێی راگەیێندراوەکە، عادل عەبدولمەهدی رایگەیاندووە "هاتووین بۆئه‌وه‌ی راوێژ له‌سه‌ر په‌یوه‌ندییه‌كانی حكومه‌تی فیدراڵ و هه‌رێمی كوردستان بكه‌ین بۆ پاراستنی به‌رژه‌وه‌ندییه‌كانی ئه‌مڕۆ و داهاتووی عێراق، سه‌روه‌رییه‌كه‌ی، به‌ره‌نگاربوونه‌وه‌ی تیرۆریستانی داعش، هاوئاهه‌نگیكردن له هه‌موو بوارێك، تێپه‌ڕاندنی ئاسته‌نگه‌كان و ئاستەنگە نێوخۆیی و ده‌ره‌كییه‌كان به‌شێوه‌یه‌كی هاوبه‌ش له‌ژێر چه‌تری ده‌ستووردا".
لە راگەیێندراوەکەدا ئاماژە بەوەش کراوە "سه‌رۆكی ئه‌نجوومه‌نی وه‌زیران، سیاسه‌تی نه‌گۆڕی حكومه‌تی روونكرده‌وه له دروستكردنی باشترین په‌یوه‌ندی له‌گه‌ڵ سه‌رجه‌م لایه‌نه‌كان، چاودێریكردنی پێشهاته‌كان له عێراق، هه‌ڵوێستی حكومه‌تی عێراق له‌و ناكۆكییانه‌ی ناوچه‌كه‌ی گرتووەتەوە و مه‌ترسییه‌كانی بۆ سه‌ر ئاسایش و سه‌قامگیری، بڕیاری حكومه‌ت و په‌رله‌مان بۆ كشاندنه‌وه‌ی هێزه بیانییه‌كان له عێراق و دیدی حكومه‌ت له به‌رده‌وامبوونی په‌یوه‌ندییه‌كان له‌گه‌ڵ سه‌رجه‌م لایه‌نه‌كان بۆ پاراستنی یه‌كێتیی، سه‌قامگیری و سه‌روه‌ریی عێراق و دژایه‌تیكردنی تیرۆر".
هاوكات نێچیرڤان بارزانی، سه‌رۆكی هه‌رێمی كوردستان پێزانینی خۆی ده‌ربڕی له‌باره‌ی راوێژكردن لەسەر سه‌رجه‌م بابه‌ته جیاوازه‌كان و پرسه بایه‌خداره‌كان به عێراق و گوتی "هه‌ڵوێستی هه‌رێمی كوردستان په‌یوه‌سته به به‌رژه‌وه‌ندی عێراق و هه‌ر بڕیارێك حكومه‌تی فیدراڵ بیدات، بڕیاری ئێمه‌شه".
نێچیرڤان بارزانی جه‌ختی له‌وه‌ش كرده‌وه "متمانه‌مان به سه‌رۆكوه‌زیران هه‌یه بۆ كاركردن له به‌رژه‌وه‌ندیی عێراق كه ئێستا به دۆخێكی سه‌ختدا تێده‌په‌ڕێت و ئێمه‌ش شایه‌تی ئه‌وه‌تان بۆ ده‌ده‌ین، هه‌ر له سه‌ره‌تاوه ئامانجتان پاراستنی عێراق بووه و كارتان كردووه بۆئه‌وه‌ی نه‌بێته گۆڕه‌پانی ململانێ و ناكۆكییه‌كان و له سه‌رده‌می ده‌سه‌ڵاتی به‌ڕێزتانه‌وه به‌ره‌وپێشوه‌چوونێكی گرنگ روویداوه له فراوانكردنی باشترین په‌یوه‌ندییه‌كان و پاراستنی هاوسه‌نگییه‌كان له‌گه‌ڵ وڵاتانی عه‌ره‌بی و هه‌رێمی و نێوده‌وڵه‌تی. سه‌رباری ئه‌وه‌ش، پێشكه‌وتنێكی به‌رجه‌سته‌كراو به‌دیكراوه له بواری ئابووری و سه‌قامگیریی ئه‌منی".
هاوکات سەرۆکی هەرێمی کوردستان پشتیوانی له هه‌ڵوێسته‌كانی عێراق كرد و بانگهێشتی وڵاته دۆسته‌كانیشی كرد بۆ تێگه‌یشتن له‌و دۆخه ئاڵۆزه‌ی كه به عێراقدا تێده‌په‌ڕێت، داوای پشتیوانیشی کرد بۆ سه‌قامگیری و سه‌روه‌ریی عێراق.
دواتر سه‌رۆكوه‌زیرانی عێراق له‌گه‌ڵ مه‌سروور بارزانی، سه‌رۆكی حكومه‌تی هه‌رێمی كوردستان كۆبووه‌وه و باسیان له په‌یوه‌ندی نێوان حكومه‌تی فیدراڵ و حكومه‌تی هه‌رێمی كوردستان له بواری ئه‌منی و به‌ره‌نگاربوونه‌وه‌ی پاشماوه‌كانی داعش کرد؛ لە کۆبوونەوەکەیاندا تیشكیان خستەسه‌ر هه‌وڵی چاره‌سه‌ركردنی پرسه ئابووری و داراییه‌كان، هەروەها باس لە قه‌یرانی ئێران و ئه‌مریكا و ره‌نگدانه‌وه‌ی لەسەر عێراق كرا.
سه‌رۆكی حكومه‌تی هه‌رێمی كوردستان، سه‌ردانه‌كه‌ی سه‌رۆكوه‌زیرانی عێراقی به گرنگ زانی بۆ پته‌وكردنی زیاتری په‌یوه‌ندییه‌كانی نێوانیان و هه‌وڵدان بۆ چاره‌سه‌ركردنی كێشه هه‌ڵپه‌سێردراوه‌كان و تاوتوێكردنی ئه‌و بابه‌تانه‌ی كه خزمه‌ت به به‌رژه‌وه‌ندییه‌كان عێراق ده‌کەن و پشتیوانی لە ئاسایش، سه‌قامگیری و سه‌روه‌رییه‌كه‌ی دەکەن.
هه‌روه‌ها سەرۆکوەزیرانی عێراق لە کۆبوونەوەکەی لەگەڵ مەسرور بارزانی باسیان لە گرنگیدان به دروستكردنی په‌یوه‌ندیی هاوسه‌نگ کرد بۆئه‌وه‌ی عێراق له لێكه‌وته‌كانی ناكۆكییه نێوده‌وڵه‌تییه‌كان به‌دووربگیرێت؛ باسیان لەوەش کرد، دەبێت بڕیاردان له سۆنگه‌ی خزمه‌تكردن به ئاسایش، سه‌قامگیری و به‌رژه‌وه‌ندیی عێراق و گرنگی یه‌كڕیزی، ته‌بایی و كۆكبوون له‌سه‌ر پرسه جیاوازه‌كان بدرێت.
لای خۆیه‌وه، سه‌رۆكی ئه‌نجوومه‌نی وه‌زیرانی عێراقی گوتی "له سه‌ره‌تای دامه‌زراندنی ئه‌م حكومه‌ته‌وە، به‌ردی بناغه‌ی به‌هێزمان دانا بۆ چاره‌سه‌ركردنی كێشه هه‌ڵپه‌سێردراوه‌كان و كارێكی ئاساییه پێكه‌وه به شێوه‌یه‌كی به‌رده‌وام تاوتوێی ناوه‌ڕۆكه‌كانیان بكه‌ین، ته‌گه‌ره‌كانی به‌رده‌ممان لاببەین و هه‌موو توانایه‌كمان بخه‌ینه‌گه‌ڕ بۆ هه‌ر بڕیارێك كه چاره‌سه‌ری كێشه‌كانی عێراق بكات، به‌تایبه‌تی ئه‌و بابه‌تانه‌ی په‌یوه‌ندییان به ئاسایش و به‌ره‌نگاربوونه‌وه‌ی تیرۆریستانی داعش و سنووره‌كان و ده‌روازه گومرگییه‌كان هه‌یه به‌پێی ده‌ستوور".
هه‌روه‌ها سه‌رۆكوه‌زیرانی عێراق باسی له پێشهاته‌كانی عێراق و په‌یوه‌ندییه‌كانی ده‌ره‌وه‌ی حکومەت و ئه‌و رێككه‌وتنانه كرد كه په‌ره به بوژاندنه‌وه‌ی ئابووری ده‌ده‌ن. هاوکات تیشك خرایه سه‌ر خۆپیشاندانه‌كانی به‌غدا و پارێزگاكانی باشوور و روونیشیكرده‌وه، حكومه‌تی عێراق رووبه‌ڕووی قه‌یرانه هه‌رێمی و نێوده‌وڵه‌تییه هه‌نووكه‌ییه‌كان بووه‌ته‌وه و به‌رگه‌ی به‌رپرسیارێتییه‌كانیشی گرتووه، سه‌رباری هه‌موو سه‌ختی و ئاڵۆزییه‌ك.
16:34
سەرۆك بارزانی: بۆ نەهێشتنی گرفتەکان رێگەچارەی عەقڵانی و دوور لە موزایەدات بگیرێتەبەر
سەرۆک بارزانی و عادل عەبدولمەهدی
سەرۆک بارزانی لە کۆبوونەوەی لەگەڵ سەرۆکوەزیرانی عێراق خواستی خۆی بۆ چارەسەرکردنی کێشەکان دەربڕی و داوایکرد رێگەچارەی عەقڵانی و دوور لە موزایەدات و لە چوارچێوەی میكانیزمە دەستوورییەكان بگیرێتەبەر.
رۆژی شەممە 11ـی 1ـی 2020 لە شاری هەولێر سەرۆك مەسعود بارزانی پێشوازی لە عادل عەبدولمەهدی سەرۆكوەزیرانی عێراق و شاندێكی باڵای حكوومەتی عێراق كرد.
بەپێی بارەگای بارزانی، لە دیدارەكەدا بارودوخی سیاسیی عێراق و پێشهات و گرژییەكانی ئەم دواییەی عێراق و ناوچەكە تاوتوێ كرا و سەرۆكوەزیرانی عێراق پێزانینی بۆ هەڵوێستی سەرۆك بارزانی و هەرێمی كوردستان لەسەر رووداوەكانی ئەم دواییەی عێراق هەبوو و بە هەڵوێستی هاوسەنگ و بەرز لەقەڵەمی دا و جەختیشی لە هەماهەنگی و برایەتی و پەیوەندیی بەردەوامی هەردوولا كردەوە.
هەر لەو دیدارەدا سەرۆك بارزانی ئەوەی دووپاتكردەوە كە خوازیاری ئەوەیە كێشە و قەیرانەكانی عێراق چارەسەر ببن و لەگەڵ ئەوەدایە كە بۆ نەهێشتنی گرفتەكان، رێگەچارەی دوور لە موزایەدات و عەقڵانی و لە چوارچێوەی میكانیزمە دەستوورییەكان بگیرێتەبەر.
لە بەشێكی دیکەی دیدارەکەدا بەپێی راگەیێندراوی کۆبوونەوەکە، هەردوولا جەختیان لەوە كردەوە كە پەیوەندییەكانی نێوان هەرێم و بەغدا كەوتووەتە قۆناخێكی ئیجابی و نوێ و بەردەوامیی ئەو كەشە ئیجابییەی نێوان هەردوولا بەپێویست زانرا. هەروەها هەڕەشە و مەترسییەكانی بەهێزبوونەوەی تیرۆریستانی داعش تەوەرێكی دیکەی ئەو كۆبوونەوەیە بوو.
لە كۆبوونەوەکەدا فازڵ میرانی سكرتێری مەکتەبی سیاسی، د. رۆژ نووری شاوێس، هۆشیار زێباری، ئازاد بەرواری، مەحموود محەممەد و جەعفەر ئیمینكی ئەندامانی مەكتەبی سیاسیی پارتی دیموكراتی كوردستان ئامادە بوون.
زیاتر بخوێنەوە
15:24
عادل عەبدولمەهدی لەماڵی کۆسرەت رەسوول لەگەڵ بەرپرسانی باڵای یەکێتی کۆدەبێتەوە
عادل عەبدولمەهدی لەماڵی کۆسرەت رەسوول لەگەڵ بەرپرسانی باڵای یەکێتی کۆدەبێتەوە
دوای کۆبوونەوەکانی لەگەڵ سەرکردایەتی هەرێمی کوردستان لە هەولێر عادل عەبدولمەهدی، سەرۆکوەزیرانی عێراق و شاندی یاوەری بەرەو سلێمانی بەڕێکەوتن و بڕیارە پاش کەمێکی دیکە بگەنە سلێمانی و لەگەڵ بەرپرسانی باڵای یەکێتی کۆببنەوە.
ئەرکان عەلی، پەیامنێری رووداو لە سلێمانی رایگەیاند، بڕیارە ئێوارەی ئەمڕۆ عادل عەبدولمەهدی، سەرۆکوەزیرانی کاربەڕێکەری عێراق بگاتە فڕۆکەخانەی سلێمانی لەلایەن شێخ جەعفەر شێخ مستەفا، جێگری سەرۆکی هەرێمی کوردستان و عیماد ئەحمەد، ئەندامی ئەنجوومەنی باڵای سیاسی و بەرژەوەندیەکانی یەکێتی و شاڵاو کۆسرەت رەسوول ئەندامانی ئەنجوومەنی سەرکردایەتیی گشتیی، پێشوازی لە عادل عەبدولمەهدی و شاندی یاوەری بکرێت.
بەپێی ئەو زانیاریانەی دەست رووداو کەوتوون، عادل عەبدولمەهدی سەردانی ماڵی کۆسرەت رەسوول عەلی دەکات و لەوێ لەگەڵ ژمارەیەک لە ئەندامانی ئەنجوومەنی باڵای سیاسی و بەرژەوەندییەکانی یەکێتیی نیشتمانیی کوردستان و ئەندامانی ئەنجوومەنی سەرکردایەتیی گشتی کۆدەبێتەوە.
بەگوتەی پەیامنێری رووداو، ئەجێندای سەردانەکەی بریتیدەبێت لە وەرگرتنی راو سەرنجی سەرکردایەتی هەرێمی کوردستان و لایەنە سیاسییەکانی هەرێمی کوردستان لەسەر دۆخی ئێستای عێراق و دروستکردنی هاوئاهەنگی کاری پێکەوەیی لەنێوان هەولێر و بەغدا.
زیاتر بخوێنەوە
15:20
مەسرور بارزانی: رێککەوتین عێراق و هەرێمی کوردستان نەبنە بەشێک لە ململانێکان
مەسرور بارزانی: رێککەوتین عێراق و هەرێمی کوردستان نەبنە بەشێک لە ململانێکان
رووداو- هەولێر
سەرۆکوەزیرانی هەرێمی کوردستان لەبارەی نێوەڕۆکی کۆبوونەوەکەی لەگەڵ سەرۆکوەزیرانی عێراق دەڵێت، لە کۆبوونەوەیاندا لەگەڵ عادل عەبدولمەهدی رێککەوتن کە نابێت عێراق و هەرێمی کوردستان ببنە بەشێک لە ململانێی هەرێمایەتی.
مەسرور بارزانی، سەرۆکوەزیرانی هەرێمی کوردستان توویتێکی لەبارەی کۆبوونەوەکەی لەگەڵ عادل عەبدولمەهدی، سەرۆکوەزیرانی عێراق بڵاوکردووەتەوە و تێیدا هاتووە، "ئەمڕۆ خۆشحاڵبووم بە کۆبوونەوەم لەگەڵ عادل عەبدولمەهدی، سەرۆکوەزیرانی عێراق، ئەوەش وەک بەشێک لە پابەندبوونەکانمان بۆ دیالۆگی بونیادنەرانەی بەردەوام لەگەڵ بەغدا. رێککەوتین لەسەر پێویستیی کەمکردنەوەی گرژییەکان لە عێراق و لەسەر ئەوەش کە نابێت عێراق و هەرێمی کوردستان ببنە بەشێک لە هەر ململانێ و پێکدادانێکی هەرێمایەتی".
مەسرور بارزانی لە توویتێکی دیکەدا نووسیویەتی، "جەختم لە پێویستیی جێبەجێکردنی رێککەوتنەکانی ئەمدواییەی نێوان هەردوو حکومەت کردەوە، ئەوەش بۆ سوودی هەموو عێراقییەکان. ئاماژەم بەوەشکرد، هاوئاهەنگی زیاتر بە پاڵپشتیی هاوپەیمانان بۆ رووبەڕووبوونەوەی هەڕەشە بەردەوامەکانی داعش لە عێراق پێویستە".
زیاتر بخوێنەوە
14:57
قوباد تاڵەبانی: لەگەڵ سەرۆکوەزیرانی عێراق هاوبەشیی سەربازی و ئابووریمان تاوتوێکرد
قوباد تاڵەبانی: لەگەڵ سەرۆکوەزیرانی عێراق هاوبەشیی سەربازی و ئابووریمان تاوتوێکرد
جێگری سەرۆکی حکومەتی هەرێمی کوردستان لە توویتێکدا باسی نێوەڕۆکی کۆبوونەوەی سەرۆکوەزیرانی هەرێمی کوردستان و سەرۆکوەزیرانی عێراق دەکات و نووسیویەتی "لەگەڵ مەسرور بارزانی، سەرۆکوەزیرانی کوردستان لەکۆبوونەوەمان لەگەڵ عادل عەبدولمەهدی، سەرۆکوەزیرانی عێراق باسمان لە گرنگی هەماهەنگی بەهێزتری نێوان حکومەتی فێدرال و حکومەتی هەرێم لە بوارەکانی بەڕێوەبردن و ئابووری و پێویستی کاری هاوبەشی سەربازی دژ بە تێرۆرمان تاوتوێ کرد.
13:52
مەسرور بارزانی و عەبدولمەهدی جەخت لە دوورخستنەوەی عێراق لە گۆڕەپانی ململانێکان دەکەنەوە
مەسرور بارزانی و عەبدولمەهدی جەخت لە دوورخستنەوەی عێراق لە گۆڕەپانی ململانێکان دەکەنەوە
لە کۆبوونەوەی سەرۆکوەزیرانی هەرێمی کوردستان لەگەڵ سەرۆکوەزیرانی عێراق، هەردوولا گفتوگۆیان دەربارەی بارودۆخی عێراق و ناوچەکە و پەیوەندییەکانی نێوان هەردوولا کرد. مەسرور بارزانی رایگەیاند، جێبەجێکردنی رێککەوتنەکانی هەولێر و بەغدا پێویستی بە بڕیار و ئیرادەیەکی جیددی هەیە.
لەکۆبوونەوەکەدا کە قوباد تاڵەبانی جێگری سەرۆکی حکومەت و ژمارەیەک لە وەزیرەکان ئامادەبوون، سەرۆکوەزیرانی عێراق ئاماژەی بەوەدا کە بنەمایەکی باشیان بۆ پەیوەندیی نێوان هەرێمی کوردستان و حکومەتی فیدراڵی داناوە و ئێستاش دەرفەتێکی باش هەیە بۆ چارەسەرکردنی کێشەکانی نێوان هەردوولا، بەجۆرێک کە لە بەرژەوەندی هەموو دانیشتوانی عێراق بێت.
مەسرور بارزانی، سەرۆکی حکومەتی هەرێمی کوردستان جەختی کردەوە، چارەسەری کێشەکانی نێوان هەرێمی کوردستان و حکومەتی فیدراڵی و جێبەجێکردنی رێککەوتنەکانی نێوان هەردوولا پێویستی بە بڕیار و ئیرادەیەکی جیددی هەیە کە گرفتەکان بەشێوەیەکی بنەڕەتی چارەسەربکرێن.
سەرۆکی حکومەتی هەرێمی کوردستان هەروەها ئاماژەی بەوەدا، داعش هێشتا هەڕەشەیەکی جیددییە بۆسەر تەواوی عێراق، بۆیە پێویستی بە هەماهەنگیەکی زیاتر هەیە لەنێوان هەرێمی کوردستان و حکومەتی فیدراڵی بە هاوکاری هێزی هاوپەیمانان.
دەقی راگەیێندراوی حکومەتی هەرێمی کوردستان لەبارەی کۆبوونەوەکە:
ئەمڕۆ شەممە 11/1/2020 مەسرور بارزانی سەرۆکی حکومەتی هەرێمی کوردستان پێشوازی لە شاندێکی باڵای حکومەتی فیدراڵی عێراق بە سەرۆکایەتی عادل عەبدولمەهدی کرد.
لە کۆبوونەوەیەکدا کە قوباد تاڵەبانی جێگری سەرۆکی حکومەت و ژمارەیەک لە وەزیرەکان ئامادەبوون، گفتوگۆ دەربارەی بارودۆخی عێراق و ناوچەکە و پەیوەندییەکانی نێوان هەردوولا کرا.
سەرۆک وەزیرانی عێراق ئاماژەی بەوەدا کە بنەمایەکی باشیان بۆ پەیوەندیی نێوان هەرێمی کوردستان و حکومەتی فیدراڵی داناوە و ئێستاش دەرفەتێکی باش هەیە بۆ چارەسەرکردنی کێشەکانی نێوان هەردوولا، بە جۆرێک کە لە بەرژەوەندی هەموو دانیشتوانانی عێراق بێت.
سەرۆکی حکومەتی هەرێمی کوردستان جەختی کردەوە، کە چارەسەری کێشەکانی نێوان هەرێمی کوردستان و حکومەتی فیدراڵی و جێبەجێکردنی رێککەوتنەکانی نێوان هەردوولا پێویستی بە بڕیار و ئیرادەیەکی جیددی هەیە کە گرفتەکان بەشێوەیەکی بنەڕەتی چارەسەر بکرێن.
سەرۆکی حکومەتی هەرێمی کوردستان هەروەها ئاماژەی بەوەدا، کە داعش هێشتا هەڕەشەیەکی جیدیە بۆسەر تەواوی عێراق، بۆیە پێویستی بە هەماهەنگیەکی زیاتر هەیە لەنێوان هەرێمی کوردستان و حکومەتی فیدراڵی بە هاوکاری هێزی هاوپەیمانان.
هەردوولا جەختیان لەوە کردەوە، کە پێویستە عێراق دووربێت لە ململانێی هەرێمی و دەرەکی و پەیوەندییەکی هاوسەنگ لەگەڵ هەموو لایەنەکان بپارێزێت.
زیاتر بخوێنەوە
13:37
عەبدولمەهدی و سەرۆک بارزانی لە کۆبوونەوەدان
عەبدولمەهدی لەگەڵ سەرۆک بارزانی
کۆبوونەوەی عادل عەبدولمەهدی، سەرۆکوەزیرانی عێراق لەگەڵ سەرۆکوەزیرانی هەرێمی کوردستان کۆتاییهات و لەگەڵ سەرۆک بارزانی کۆدەبێتەوە.
12:21
نێچیرڤان بارزانی و عەبدولمەهدی جەخت لە پێکەوەکارکردن بۆ رێگرتن لە ئاڵۆزبوونی دۆخی ناوچەکە دەکەن
کۆبوونەوەی سەرۆکوەزیرانی عێراق لەگەڵ سەرۆکی هەرێمی کوردستان. وێنە: AA
لە کۆبوونەوەی نێوان سەرۆکوەزیرانی عێراق لەگەڵ سەرۆکی هەرێمی کوردستان هەردوولا جەختیان کردەوە کە عێراق نه‌كرێته گۆڕه‌پانى ململانێى هێزه هه‌رێمى و نێوده‌وڵه‌تييه‌كان و هه‌موو لايه‌نه‌كان پێكه‌وه كاربكه‌ن بۆ ئاڵۆزترنه‌بوونى دۆخه‌كه و گێڕانه‌وه‌ى ئارامى و سه‌قامگيرى.
بەپێی راگەیێندراوی سەرۆکایەتیی هەرێمی کوردستان لە کۆبوونەوەکەدا، دۆخى عێراق و لێكه‌وته‌كانى دوايين رووداو و پێشهاته‌كانى ده‌ستپێكى ساڵى تازه له به‌غدا، گرژى و ئاڵۆزييه‌كانى نێوان ئه‌مريكا و ئێران، خۆپيشاندانه‌كانى عێراق، په‌يوه‌ندييه‌كانى عێراق له‌گه‌ڵ وڵاتانى دراوسێ و كێشه‌كانى هه‌ولێر ـ به‌غدا و ديالۆگى چاره‌سه‌ركردنيان تاوتوێكرا.
دەقی راگەیێندراوی سەرۆکایەتیی هەرێمی کوردستان لەبارەی کۆبوونەوەکە:
به‌ڕێزان نێچيرڤان بارزانى، سه‌رۆكى هه‌رێمى كوردستان و عادل عه‌بدولمه‌هدى سه‌رۆك وه‌زيرانى عێراق، جه‌ختيان كرده‌وه كه عێراق نه‌كرێته گۆڕه‌پانى ململانێى هێزه هه‌رێمى و نێوده‌وڵه‌تييه‌كان، هه‌روه‌ها په‌يوه‌ندييه‌كانى عێراق له‌گه‌ڵ وڵاتان له‌سه‌ر بنه‌ماى به‌رژه‌وه‌نديى هاوبه‌ش و ڕێزگرتن له سه‌روه‌ريى عێراق بێت و هه‌موو لايه‌نه‌كان پێكه‌وه كار بكه‌ن بۆ ئاڵۆزترنه‌بوونى زياترى دۆخه‌كه و گێڕانه‌وه‌ى ئارامى و سه‌قامگيرى، به‌رژه‌وه‌ندييه‌كانى عێراقيش ئه‌وله‌ويه‌تى هه‌مووان بێت.
سه‌رله‌به‌يانيى ئه‌مڕۆ شه‌ممه 11/1/2020 دواى ئه‌وه‌ى به‌ڕێز عادل عه‌بدولمه‌هدى سه‌رۆك وه‌زيرانى كاربه‌ڕێكه‌رى عێراق به سه‌ردانێك گه‌يشته هه‌ولێر و له‌لايه‌ن به‌ڕێز نێچيرڤان بارزانى، سه‌رۆكى هه‌رێمى كوردستانه‌وه پێشوازى لێكرا، هه‌ردوولا كۆبوونه‌وه.
له كۆبوونه‌وه‌كه‌دا دۆخى عێراق و لێكه‌وته‌كانى دوايين ڕووداو و پێشهاته‌كانى ده‌سپێكى ساڵى تازه له به‌غدا و گرژى و ئاڵۆزييه‌كانى نێوان ئه‌مه‌ريكا و ئێران و خۆپيشاندانه‌كانى عێراق و په‌يوه‌ندييه‌كانى عێراق له‌گه‌ڵ وڵاتانى دراوسێ و كێشه‌كانى هه‌ولێر ـ به‌غدا و ديالۆگى چاره‌سه‌ركردنيان تاوتوێكرا.
گرنگيى به‌رده‌واميى هاوكارى و پشتگيريى كۆمه‌ڵگه‌ى نێوده‌وڵه‌تى بۆ عێراق و هه‌رێمى كوردستان له شه‌ڕى دژى تيرۆردا و مه‌ترسييه‌كانى سه‌رهه‌ڵدانه‌وه‌ى تيرۆر و جموجوڵى تيرۆرستانى داعش له عێراق و به‌تايبه‌تيش له ناوچه‌كانى نێوان پێشمه‌رگه و هێزه چه‌كداره‌كانى عێراق، بابه‌تێكى ديكه‌ى كۆبوونه‌وه‌كه بوو كه تيايدا هه‌ردوولا جه‌ختيان له گرنگيى هاوكارى و هه‌ماهه‌نگيى نێوان پێشمه‌رگه و سوپاى عێراق كرده‌وه.
زیاتر بخوێنەوە
11:27
عادل عەبدولمەهدی لەگەڵ مەسرور بارزانی لە کۆبوونەوەدایە
عادل عەبدولمەهدی لەگەڵ مەسرور بارزانی لە کۆبوونەوەدایە
رووداو - هەولێر
دوای گەیشتنی بە هەولێر و کۆبوونەوەی لەگەڵ سەرۆکی هەرێمی کوردستان، سەرۆکوەزیرانی عێراق لەگەڵ مەسرور بارزانی سەرۆکوەزیرانی هەرێمی کوردستان لە کۆبوونەوەدایە.
ڤیان سەبری، سەرۆکی فراکسیۆنی پارتی لە پەرلەمانی عێراق بە رووداوی راگەیاند، سەردانەکەی سەرۆکوەزیرانی عێراق دوو ئامانجی سەرەکی هەیە ئەوانیش: تاوتوێکردنی پەیوەندییەکانی نێوان هەرێمی کوردستان و عێراق و رەشی ئەمدواییەی عێراقە.
بەگوتەی سەرۆکی فراکسیۆنی پارتی لە پەرلەمانی عێراق، لە پەیوەندی رۆژی دووشەممەی نێوان سەرۆک مەسعود بارزانی و عادل عەبدولمەهدی جەخت لەوە کراوەتەوە نابێ رێگە بدرێت عێراق بکرێتە گۆڕەپانی ململانێی نێوان وڵاتان، بەتایبەتی دوای گرژییەکانی نێوان ئەمریکا و ئێران.
10:14
عادل عەبدولمەهدی گەیشتە هەولێر
عادل عەبدولمەهدی گەیشتە هەولێر
عادل عەبدولمەهدی، سەرۆکوەزیرانی عێراق گەیشتە هەولێر و لەلایەن نێچیرڤان بارزانی، سەرۆکی هەرێمی کوردستان و شاندی یاوەری لە فڕۆکەخانەی نێودەوڵەتیی هەولێر پێشوازیی لێکرا.
ئەو شاندەی یاوەری سەرۆکوەزیرانی عێراق دەکەن پێکهاتوون لە: فوئاد حوسێن، وەزیری دارایی، محەممەد عەلی حەکیم، وەزیری دەرەوە، نووری دلێمی وەزیری پلاندانان، قوسەی سەهیل، وەزیری خوێندنی باڵا و توێژینەوەی زانستی لەگەڵ مستەفا کازمی، سەرۆکی دەزگای هەواڵگری.
دوای رێوڕەسمی پێشوازی، سەرۆکوەزیرانی عێراق لەگەڵ نێچیرڤان بارزانی، سەرۆکی هەرێمی کوردستان کۆدەبێتەوە.
پەیامنێری رووداو زانیاری لەسەر نێوەڕۆکی کۆبوونەوەکە باسدەکات:
09:09
سەرۆکوەزیرانی عێراق لە هەولێر و سلێمانی لەگەڵ بەرپرسانی هەرێمی کوردستان کۆدەبێتەوە
پێشوازیی سەرۆکی هەرێمی کوردستان لە سەرۆکوەزیرانی عێراق. وێنە: رووداو
رووداو - هەولێر
سەرۆکوەزیرانی عێراق سەردانی هەرێمی کوردستان دەکات و لە هەولێر لەگەڵ بەرپرسانی باڵای هەرێمی کوردستان کۆدەبێتەوە و دواتریش دەچێتە سلێمانی.
هادی سەلیمی، پەیامنێری رووداو لە هەولێر گوتی، عادل عەبدولمەهدی، سەرۆکوەزیرانی عێراق کاژێر 10 دەگاتە فڕۆکەخانەی نێودەوڵەتیی هەولێر و لەلایەن نێچیرڤان بارزانی، سەرۆکی هەرێمی کوردستان پێشوازیی لێدەکرێت.
دوای گەیشتنی، سەرۆکوەزیرانی عێراق لە هەولێر لەگەڵ نێچیرڤان بارزانی، سەرۆکی هەرێمی کوردستان کۆدەبێتەوە و دواتر لەگەڵ مەسرور بارزانی، سەرۆکوەزیرانی هەرێمی کوردستان، قوباد تاڵەبانی، جێگری سەرۆکوەزیران کۆدەبێتەوە و پاشان لەگەڵ سەرۆک مەسعود بارزانی کۆدەبێتەوە.
پەیامنێری رووداو رایگەیاند، سەرۆکوەزیرانی عێراق و بەرپرسانی باڵای هەرێمی کوردستان پەیوەندییەکانی نێوان هەولێر و بەغدا و گۆڕانکارییەکانی عێراق و ناوچەکە تاوتوێ دەکەن.
دوای کۆبوونەوەکانی لە هەولێر، سەرۆکوەزیرانی عێراق سەردانی سلێمانی دەکات.
ئەمە یەکەم سەردانی عادل عەبدولمەهدییە دوای دەستبەکاربوونی وەک سەرۆکوەزیرانی عێراق.